ബംഗാരപ്പേട്ട്: പ്രധാനമന്ത്രിയാകാനുള്ള രാഹുല്‍ ഗാന്ധിയുടെ മോഹത്തെ പരിഹസിച്ച്‌ പ്രധാനമന്ത്രി നരേന്ദ്ര മോദി. അടുത്ത പ്രധാനമന്ത്രി താനാണെന്ന് സ്വയം പറഞ്ഞുനടക്കുന്ന രാഹുലിന്റെ രീതി ധാര്‍ഷ്ട്യത്തെ തുറന്നുകാട്ടുകയാണെന്നു മോദി വ്യക്തമാക്കി . നിരവധി വര്‍ഷത്തെ അനുഭവ സമ്പത്തുള്ളവരെ തട്ടിമാറ്റി സ്വയം മുന്നില്‍കയറി നില്‍ക്കുകയാണ് രാഹുല്‍ ഗാന്ധി ചെയ്തിരിക്കുന്നതെന്ന് മോദി ആരോപിച്ചു.
ഒരു നാടുവാഴി താനാണ് അടുത്ത പ്രധാനമന്ത്രിയെന്ന് പ്രഖ്യാപിച്ചപ്പോള്‍ അവിടെയുണ്ടായിരുന്ന മറ്റ് മുതിര്‍ന്ന നേതാക്കള്‍ എങ്ങനെയാണ് പ്രതികരിച്ചതെന്ന് അറിയാനാഗ്രഹമുണ്ടെന്നും മോദി പറഞ്ഞു. കോണ്‍ഗ്രസ് രാജ്യത്തിന് ആറ് തിന്മകളെയാണ് നല്‍കിയിട്ടുള്ളത്. കോണ്‍ഗ്രസ് സംസ്‌കാരം, വര്‍ഗീയത, ജാതീയത, കുറ്റകൃത്യങ്ങള്‍, അഴിമതി, കരാര്‍ സംവിധാനം തുടങ്ങിയവയാണ് ആറ് തിന്മകളെന്ന് മോദി പറഞ്ഞു. ബംഗാരപ്പേട്ടയില്‍ നടന്ന പാര്‍ട്ടി റാലിയിലാണ് മോദി ഇക്കാര്യം വ്യക്തമാക്കിയത്.
കഴിഞ്ഞ ചൊവ്വാഴ്ചയാണ് സമൃദ്ധ ഭാരത് ഫൗണ്ടേഷന്‍ ഉദ്ഘാടന സമ്മേളനത്തില്‍ താന്‍ അടുത്ത പ്രധാനമന്ത്രിയാകുമെന്ന് പറഞ്ഞത്. 2019 ല്‍ കോണ്‍ഗ്രസ് ഏറ്റവും വലിയ ഒറ്റക്കക്ഷിയാകുകയാണെങ്കില്‍ താന്‍ പ്രധാനമന്ത്രിയാകുമെന്ന് രാഹുല്‍ പറഞ്ഞിരുന്നു.
Post Your Comments