ജിദ്ദ: ഈ വര്‍ഷത്തെ ആഭ്യന്തര ഹജ്ജ് പാക്കേജുകള്‍ ഈ മാസം അവസാനത്തോടെ പ്രസിദ്ധീകരിക്കുമെന്ന് സൗദി ഹജ്ജ് മന്ത്രാലയം അറിയിച്ചു. പാക്കേജുകള്‍ നേരത്തെ പ്രസിദ്ധീകരിക്കുന്നതിലൂടെ തീര്‍ഥാടകര്‍ക്ക് അനുയോജ്യമായ പാക്കേജുകളും സര്‍വീസ് ഏജന്‍സികളെയും തെരഞ്ഞെടുക്കാന്‍ മതിയായ സമയം ലഭിക്കും. ഓഗസ്റ്റ്‌ മൂന്നാം വാരമായിരിക്കും ഇത്തവണത്തെ ഹജ്ജ്.
ALSO READ:ഹജ്ജ് വിമാനങ്ങൾ ഇനി കേരളത്തിലെ ഈ വിമാനത്താവളത്തിൽ നിന്ന്
ഹജ്ജ് വേളയില്‍ ലഭിക്കുന്ന സേവനത്തിനനുസരിച്ച് വിവിധ നിരക്കിലുള്ള പാക്കേജുകള്‍ ലഭ്യമായിരിക്കും. ചിലവ് കുറഞ്ഞ ഹജ്ജ് പാക്കേജുകള്‍ക്കാണ് ഏറ്റവും കൂടുതല്‍ ഡിമാന്‍ഡ്. തീര്‍ഥാടകര്‍ക്കുള്ള യാത്രാ സൌകര്യം, തമ്പുകള്‍ നിര്‍ണയിക്കല്‍ തുടങ്ങിയവ രജിസ്റ്റര്‍ ചെയ്യാന്‍ റമദാന്‍ ഒന്ന് മുതല്‍ അഞ്ച് വരെ സര്‍വീസ് ഏജന്‍സികള്‍ക്ക് അവസരം ഉണ്ടാകും.
Post Your Comments