ഒറ്റമുറി കടയിലെ തലമുടി വെട്ടുകാരനിൽ നിന്നും നാനൂറിലധികം വാഹനങ്ങൾ സ്വന്തമായുള്ള ജീവിതത്തിലേക്ക് രമേശ് കുമാർ എന്ന ബാർബർ വളർന്നത് സ്വപ്രയത്നത്താലാണ്.
സല്‍മാന്‍ ഖാന്‍, ആമിര്‍ ഖാന്‍, ഐശ്വര്യ റായ് തുടങ്ങി സൂപ്പർ താരങ്ങൾക്കെല്ലാം രമേശ് കാറുകൾ വാടകയ്ക്ക് നൽകാറുണ്ട്. ബിഎംഡബ്ല്യു, ജാഗ്വർ, ബെന്‍സ്, റോള്‍സ് റോയ്‌സ് എന്നിങ്ങനെ ആഡംബര കാറുകളുടെ നീണ്ട നിരതന്നെ ഇയാൾക്ക് സ്വന്തമായുണ്ട്.
Read Also: കനത്ത കാറ്റിനും മഴയ്‌ക്കും സാധ്യത ; സംസ്ഥാനത്ത്‌ ജാഗ്രത നിർദേശം
1979–ല്‍ അച്ഛന്‍ മരിക്കുമ്പോള്‍ രമേശിന് ഏഴു വയസ് മാത്രമായിരുന്നു പ്രായം. ഭർത്താവിന്റെ ബാർബർ ഷോപ്പ് വാടകയ്ക്ക് കൊടുത്തും പല വീടുകളില്‍ ജോലി ചെയ്തുമാണ്മൂന്നു കുട്ടികളെ രമേശിന്റെ അമ്മ വളർത്തിയത്. ഹയര്‍ സെക്കന്ററി കഴിഞ്ഞപ്പോള്‍ ബാർബർ ജോലി രമേശ് ഏറ്റെടുത്തു. ബാർബർ ഷോപ്പ് നടത്തുന്നതിനോടൊപ്പം പത്ര വിതരണം, ഫ്‌ളാറ്റുകളില്‍ പാലും പച്ചക്കറികളുമെത്തിക്കുന്ന ജോലിയൊക്കെ ചെയ്താണ് ഇയാളുടെ ജീവിതം മുന്നോട്ട് പോയത്.
1991 ല്‍ ബ്രിഗേഡ് റോഡിലെ ഈ ഷോപ്പ് ഇന്നര്‍ സ്‌പേസ് എന്ന പേരില്‍ ട്രെന്‍ഡ് സലൂണായി വികസിപ്പിച്ചു. മൂന്നു വര്‍ഷത്തിനുള്ളില്‍ സ്വരുക്കൂട്ടി വെച്ച കാശുമായി ഒരു ഒമ്‌നി വാൻ വാങ്ങിയ രമേശ് ഇത് വാടകയ്ക്ക് നൽകി. രമേശിന്റെ ജീവിതം പിന്നീടങ്ങോട്ട് മാറുകയായിരുന്നു.
2004–ൽ ആറു കാറുകള്‍ കൂടി രമേശ് സ്വന്തമാക്കി വാടകയ്ക്ക് നൽകി. ലക്ഷ്വറി കാറുകൾ കൂടി വാങ്ങിയതോടെ രമേശ് കോടീശ്വരനായി മാറി. ഇന്ന് 400 ൽ അധികം വാഹനങ്ങളുള്ള രമേഷ് ടൂർ ആന്റ് ട്രാവൽസിലെ ഉടമയാണ് അദ്ദേഹം
Post Your Comments