ഐ.എസ്.ആര്‍.ഒ കേന്ദ്രത്തില്‍ തീപിടിത്തം. ഇന്ന് ഉച്ചയോടെ അഹമ്മദാബാദിലെ ഐ.എസ്.ആര്‍.ഒ കേന്ദ്രത്തിന്റെ മിഷ്യനറി ഡിപ്പാര്‍ട്ട്മെന്റിലാണ് തീപിടിത്തമുണ്ടായത്. ഐ.എസ്.ആര്‍.ഒയുടെ പ്രമുഖമായ ഗവേഷണ കേന്ദ്രങ്ങളിലൊന്നാണ് അഹമ്മദാബാദിലേത്. അപകടത്തില്‍ ആര്‍ക്കും പരിക്കേറ്റതായി റിപ്പോര്‍ട്ടുകളില്ല. തീപിടത്തമുണ്ടായയുടന്‍ ഐ.എസ്.ആര്‍.ഒയുടെ ഗവേഷണ കേന്ദ്രം ഒഴിപ്പിച്ചു.
തീയണക്കുന്നതിനായി 25 ഫയര്‍ഫോഴ്സ് യൂനിറ്റുകള്‍ സംഭവസ്ഥലത്തെത്തി. 10 ആംബുലന്‍സുകളും രക്ഷാപ്രവര്‍ത്തനത്തിനെത്തി. ഏകദേശം രണ്ട് മണിക്കൂര്‍ നീണ്ട പരിശ്രമത്തിലൊടുവിലാണ് തീയണക്കാന്‍ ആയതെന്ന് ഫയര്‍ഫോഴ്സ് ഒാഫീസര്‍ രാജേഷ് ഭട്ട് പറഞ്ഞു. ഇപ്പോള്‍ തീ നിയന്ത്രണ വിധേയമാണ്.
Post Your Comments