വീട്ടമ്മയെ മാനഭംഗപ്പെടുത്തിയ അയൽവാസി അറസ്റ്റിൽ

മലപ്പുറം : കാടാമ്പുഴയിൽ വീട്ടമ്മയെ പീഡിപ്പിച്ച അയൽവാസി അറസ്റ്റിൽ. കബീർ എന്നയാളാണ് പോലീസ് പിടിയിലായത്. ഇയാൾ കഴിഞ്ഞ ബുധനാഴ്ച്ച മുപ്പത്തിയെട്ടുകാരിയായ വീട്ടമ്മയെ ജോലി സ്ഥലത്തുവെച്ച് പീഡിപ്പിക്കുകയായിരുന്നു.

സോപ്പ് കമ്പനി തൊഴിലാളിയാണ് യുവതി. കമ്പനയിൽ ആരും ഇല്ലാത്ത സമയത്ത് യുവതി വസ്ത്രം മാറുന്ന റൂമിൽ കബീർ അതിക്രമിച്ച് കയറി വീട്ടമ്മയെ മാനഭംഗപ്പെടുത്തുകയായിരുന്നു. ക്രൂരമായ പീഡനത്തിനിരയായ യുവതിയുടെ ശരീരത്തിൽ മുറിവുകളുണ്ടായിട്ടുണ്ട്. യുവതി ആശുപത്രിയിൽ ചികിത്സയിലാണ്.

അയൽക്കാരൻ കൂടിയായ കബീറിൽ നിന്ന് നേരത്തെയും ശല്യമുള്ളതായി ഇവർ പോലീസിന് മൊഴി നൽകി. തിങ്കളാഴ്ച രാവിലെയാണ് കബീറിനെ പോലീസ് അറസ്റ്റ് ചെയ്‌തത്‌.