തലയിലും കണ്ണിന് താഴെയും തുളച്ചു കയറിയ അമ്പുമായി മാനുകള്‍ അലയുന്നു; കുറ്റവാളിയെ കണ്ടെത്തുന്നവർക്ക് പാരിതോഷികം

ഒറിഗോണ്‍: തലയിലും കഴുത്തിലും തുളച്ചു കയറിയ അമ്പുമായി മാനുകൾ അലയുന്നു. ഒറിഗോണ്‍ വനപ്രദേശത്താണ് അമ്പ് തുളച്ചുകയറിയ നിലയിൽ മാനുകളെ കണ്ടെത്തിയിരിക്കുന്നത്. അന്വേഷണം നടത്തിയിട്ടും കുറ്റവാളികളെ പിടികൂടാൻ കഴിയാത്തതിനാൽ കണ്ടെത്തുന്നവർക്ക് ഒറിഗോണ്‍ വന്യജീവി സംരക്ഷണ വകുപ്പ് പാരിതോഷികം പ്രഖ്യാപിച്ചിട്ടുണ്ട്.

Read Also: വിവാദ പ്രസംഗം നടത്തിയ വിഎച്ച്പി നേതാവിനെതിരെ കേസെടുത്തു

അമ്പ് തുളഞ്ഞുകയറിയ നിലയിൽ മാനിനെ കണ്ടെത്തിയ വിവരം ഒരാള്‍ വനംവകുപ്പിനെ അറിയിച്ചതിനെ തുടർന്ന് ചികിത്സ നല്‍കാനായി നടത്തിയ തിരച്ചിലിൽ മറ്റ് രണ്ട് മാനുകളെ കൂടി കണ്ടെത്തുകയുണ്ടായി. മാനിനെ മയക്കുവെടിവെച്ച ശേഷം അമ്പ് നീക്കം ചെയ്യാനുളള ഒരുക്കത്തിലാണ് അധികൃതര്‍. 1,32000(2000 ഡോളര്‍) രൂപയാണ് കുറ്റവാളികളെ കണ്ടെത്തുന്നവർക്ക് പ്രഖ്യാപിച്ചിരിക്കുന്ന പാരിതോഷിക തുക.