ബീജാപൂര്‍: മാവോയിസ്റ്റുകളും സുരക്ഷാസേനയും തമ്മില്‍ രൂക്ഷമായ പോരാട്ടം. ഛത്തീസ്ഗഢ്- തെലങ്കാന അതിര്‍ത്തിയിലാണ് സംഭവം. ഇതിനകം ഏഴ് മാവോയിസ്റ്റുകളെയാണ് ഇവർ വധിച്ചത്. ഒരു സെല്‍ഫ് ലോഡിംഗ് റൈഫിള്‍, ഒരു .303 ഫൈിള്‍, ആറ് റോക്കറ്റ് ലോഞ്ചറുകള്‍, മൂന്ന് ഗ്രനേഡുകള്‍ എന്നിവ ഇവരില്‍ നിന്നും പിടിച്ചെടുത്തതായി അധികൃതര്‍ അറിയിച്ചു.
എന്നാല്‍ ഏറ്റുമുട്ടല്‍ എന്നാണ് ആരംഭിച്ചതെന്ന് അധികൃതര്‍ വ്യക്തമാക്കിയിട്ടില്ല. മേഖലയില്‍ തിരച്ചില്‍ തുടരുകയാണ്. ഏറ്റുമുട്ടല്‍ നടത്തിയത് ഛത്തീസ്ഗഢ് സുരക്ഷാസേനയും തെലങ്കാന പോലീസിലെ മാവോയിസ്റ്റ് വിരുദ്ധ സംഘമായ ഗ്രേഹൗണ്ട്‌സും ചേര്‍ന്നാണ്.
read also: ആറു മാവോയിസ്റ്റുകളെ വെടിവെച്ചു കൊന്നു
ദക്ഷിണ ബിജാപൂരിലെ വനത്തിനുള്ളില്‍ മാവോയിസ്റ്റ് സാന്നിധ്യമുണ്ടെന്ന വിവരത്തെ തുടര്‍ന്നാണ് തിരച്ചില്‍ നടത്തിയതെന്ന് ബിജാപൂര്‍ എസ്.പി മോഹിത് ഗാര്‍ഗ് വ്യക്തമാക്കി.
Post Your Comments