കാ​ർ കൊ​ക്ക​യി​ലേ​ക്ക് മ​റി​ഞ്ഞ് ഏ​ഴു മരണം

ഗാ​സി​യാ​ബാ​ദ്: കാ​ർ കൊ​ക്ക​യി​ലേ​ക്ക് മ​റി​ഞ്ഞ് ഏ​ഴു മരണം. ഉ​ത്ത​ർ​പ്ര​ദേ​ശി​ലെ ഗാ​സി​യാ​ബാ​ദി​ൽ. മ​ക​ന്‍റെ വി​വാ​ഹ ച​ട​ങ്ങി​ൽ സം​ബ​ന്ധി​ക്കാ​നെ​ത്തി​യ പി​താ​വും ആ​റ് ബ​ന്ധു​ക്ക​ളു​മാ​ണ് മ​രി​ച്ച​ത്. ഇ​തി​ൽ ഒ​രു കു​ട്ടി​യും നാ​ല് പേ​ർ സ്ത്രീ​ക​ളുമാണ്. പരിക്കേറ്റ അഞ്ചു പേരുടെ നില ഗുരുതരമാണ്. കു​ട്ടി​യു​ടെ കൈ​ത​ട്ടി ഹാ​ൻ​ഡ് ബ്രേ​ക്ക് മാ​റി​യ​തി​നെ തു​ട​ർ​ന്ന് കാ​ർ ഉ​രു​ണ്ട് കൊ​ക്ക​യി​ലേ​ക്ക് മറിഞ്ഞാണ് അപകടം സംഭവിച്ചത്.

ബ​റേ​ലി രാം​പു​ർ സ്വ​ദേ​ശി​യാ​യ ഓം ​പ്ര​കാ​ശ് ര​സ്തോ​ഗി​യും ബ​ന്ധു​ക്ക​ളാ​യ 11 പേ​രു​മാ​ണ് മ​ക​ന്‍റെ വി​വാ​ഹ​ത്തി​ൽ പ​ങ്കെ​ടു​ക്കാ​ൻ ടാ​റ്റാ സു​മോ കാ​റി​ൽ ഗാ​സി​യാ​ബാ​ദി​ൽ എ​ത്തി​യ​ത്. വി​ജ​യ് ന​ഗ​റി​ൽ ദേ​ശീ​യ​പാ​ത -24 ൽ കാ​ർ നി​ർ​ത്തി​യ ശേ​ഷം ഡ്രൈ​വ​ർ പു​റ​ത്തി​റ​ങ്ങി. ഈ സമയം മു​ന്നി​ൽ ഇ​രു​ന്നി​രു​ന്ന കു​ട്ടി അ​ബ​ദ്ധ​ത്തി​ൽ ബ്രേ​ക്ക് മാറ്റുകയും കാ​ർ ത​നി​യെ ഉ​രു​ണ്ട് കൊ​ക്ക​യി​ലേ​ക്ക് മ​റി​യു​ക​യുമാ​യി​രു​ന്നു.​അ​പ​ക​ട​ത്തി​നു ശേ​ഷം ഡ്രൈ​വ​റെ കാ​ണാ​താ​യി. പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

Also read ;ലോറിയിടിച്ച് സ്‌കൂട്ടർ യാത്രക്കാരിക്ക് ദാരുണാന്ത്യം