കൊച്ചി ; വാരാപ്പുഴയിൽ പോലീസ് കസ്റ്റഡിയിൽ ക്രൂര മർദ്ദനത്തിന് ഇരയായി ശ്രീജിത്ത്‌ കൊല്ലപ്പെട്ട സംഭവത്തിൽ എസ്ഐ ദീപക്കിനെ അറസ്റ്റ് ചെയ്‌തു. ഐജി ശ്രീജിത്തിന്റെ നേതൃത്വത്തിലുള്ള പ്രത്യേക സംഘമാണ് അറസ്റ്റ് ചെയ്തത്. കേസിലെ നാലാം പ്രതിയായ ദീപക്കിനെതിരെ കൊലക്കുറ്റമടക്കമുള്ള കുറ്റങ്ങളാണ് ചുമത്തിയിരിക്കുന്നത്.
കളമശേരി എആർ ക്യാന്പിലെ പോലീസുകാരായ ജിതിൻരാജ്, സന്തോഷ്കുമാർ, സുമേഷ് എന്നിവര്‍ നേരത്തെ അറസ്റ്റിലായിരുന്നു. ഇന്നലെ ഇവരെ റിമാൻഡ് ചെയ്തിരുന്നു. കേസിൽ ഇവരുടെ മൊഴിയാണ് എസ്ഐയുടെ അറസ്റ്റിന് വഴിയൊരുക്കിയതെന്ന് വിലയിരുത്തൽ.
അതേസമയം എസ്ഐ അടക്കമുളളവരെ അറസ്റ്റ് ചെയ്തില്ലെങ്കില്‍ ശക്തമായ സമരവുമായി മുന്നോട്ട് പോകുമെന്ന് ശ്രീജിത്തിന്റെ കുടുംബം പറഞ്ഞിരുന്നു. മൂന്ന് ആര്‍ടിഎഫുകാർ മാത്രമല്ല പ്രതികൾ. എസ്ഐ ദീപക്, പറവൂർ സിഐ, റൂറൽ എസ്പി എന്നിവരും ശ്രീജിത്തിന്റെ മരണത്തിനു ഉത്തരവാദികൾ ആണെന്ന് കുടുംബം മാധ്യമങ്ങളോട് പറഞ്ഞിരുന്നു.
Also read ;വരാപ്പുഴയില്‍ പൊലീസ് കസ്റ്റഡി മരണം: സി.ബി.ഐ അന്വേഷണം വേണമെന്ന് ഹസന്‍
Post Your Comments