വീണ്ടും പോലീസ് അതിക്രമം: കൊച്ചിയിൽ യുവാക്കളുടെ ചെവിയടിച്ച് പൊട്ടിച്ചു

കൊച്ചി: കേരള പോലീസ് നന്നാവുന്ന ലക്ഷണമൊന്നും കാണാനില്ല. ഇതിന് ഏറ്റവും ഒടുവിലെ സംഭവമാണ് കൊച്ചിയിൽ പോലീസ് യുവാക്കളുടെ ചെകിട് അടിച്ചു പൊട്ടിച്ചത്. കൊച്ചിയിൽ പെറ്റികേസിന്റെ പേരിൽ പിടിയിലായ യുവാക്കളിൽ നിന്ന് പണം തട്ടാൻ ശ്രമിച്ച പൊലീസുകാർ, അത് നടക്കാതെ വന്നപ്പോൾ ചെറുപ്പക്കാരുടെ ചെവിയടിച്ച് പൊട്ടിച്ചു. കഴിഞ്ഞ മാസം 21ന് അർധരാത്രിയാണ് സംഭവം.

also read:പോലീസ് മര്‍ദ്ദനമേറ്റ് യുവാവ് ആത്മഹത്യ ചെയ്ത സംഭവം; പിതാവ് മുഖ്യമന്ത്രിക്ക് പരാതി നല്‍കി

യുവാക്കളിൽ നിന്ന് കൊച്ചി സിറ്റി പൊലീസ് കമ്മീഷണറുടെ ഷാഡോ സ്ക്വാഡ്
4000 രൂപയും വിലയേറിയ മൊബൈൽ ഫോണിന്റെ ചാർജറും പിടിച്ചു വാങ്ങാൻ ശ്രമിച്ചുവെന്നും, ഇത് തടയാൻ ശ്രമിച്ച യുവാക്കളെ പോലിസ് ക്രൂരമായി മർദ്ദിച്ചെന്നുമാണ് പരാതി. പോലീസ് മർദ്ദനത്തിൽ കർണപുടം പൊട്ടിയ യുവാക്കള്‍ പിന്നീട് ചികിത്സ തേടിയിരുന്നു. പോലീസിനെതിരെ യുവാക്കൾ പരാതിപ്പെട്ടിരുന്നെങ്കിലും ചില ഉന്നത ഉദ്യോഗസ്ഥർ ഇടപെട്ട് കേസ് ഒതുക്കുകയായിരുന്നു.