യുഎഇ: വിമാന സര്‍വീസുകളില്‍ ചിലപ്പോഴൊക്കെ ചില അനിഷ്ട സംഭവങ്ങള്‍ ഉണ്ടാകാറുണ്ട്. ദുബായില്‍ നിന്നുമുള്ള എയര്‍ ഇന്ത്യ ഒരു ദിവസം മുഴുവന്‍ വൈകിയതും വാര്‍ത്തയായിരുന്നു. ഇപ്പോള്‍ ലോകത്തിലെ ഏറ്റവും മികച്ച എര്‍ലൈന്‍സ് ഏതെന്ന വിവരം ഏതെന്ന് പുറത്തെത്തിയിരിക്കുകയാണ്. സിംഗപ്പൂര്‍ എയര്‍ലൈന്‍സാണ് ഈ വര്‍ഷത്തെ ഏറ്റവും മികച്ച എയര്‍ലൈന്‍സ്. ട്രിപ് അഡൈ്വസേഴ്‌സ് 2018 ട്രാവലേഴ്‌സ് ചോയിസ് അവാര്‍ഡ് സിംഗപ്പൂര്‍ എയര്‍ലൈന്‍സ് സ്വന്തമാക്കി.
രണ്ടാം സ്ഥാനത്ത് എയര്‍ ന്യൂസിലാന്‍ഡും മൂന്നാം സ്ഥാനത്ത് എമിറേറ്റ്‌സുമാണുള്ളത്. ആദ്യ പത്ത് സ്ഥാനങ്ങളില്‍ എയര്‍ ഇന്ത്യയുടെ പൊടിപോലും കാണാനില്ല. ജപ്പാന്‍ എയര്‍ലൈന്‍സ്, ഇവ എയര്‍, സൗത്ത് വെസ്റ്റ് എയര്‍ലൈന്‍സ്, ജെറ്റ്2.കോം, ഖത്തര്‍ എയര്‍വേയ്‌സ്, അസുല്‍, കൊറിയന്‍ എയര്‍ എന്നീ എര്‍ലൈന്‍സുകളാണ് നാല് മുതല്‍ പത്ത് വരെയുള്ള സ്ഥാനങ്ങളില്‍ യഥാക്രമം.
ജീവനക്കാരുടെയും മറ്റും കഠിന പരിശ്രമവും യാത്രക്കാരോടുള്ള പെരുമാറ്റവും സമയ കൃത്യതയും കണക്കിലെടുത്താണ് അവാര്‍ഡ് നല്‍കുന്നത്.
Post Your Comments