ചെന്നൈ: ഐപിഎല്‍ വേദിയിലും കാവേരി പ്രതിഷേധം ഉണ്ടാകണമെന്ന് രജനീകാന്ത്. ഇതിന്റെ ഭാഗമായി ചെന്നൈ ടീം അംഗങ്ങള്‍ കറുത്ത ബാഡ്ജ് ധരിച്ച്‌ കളത്തിലിറങ്ങണമെന്നും അദ്ദേഹം പറഞ്ഞു. കാവേരി വിഷയത്തില്‍ രജനീകാന്തിന്‍റെ മൗനം തെറ്റാണെന്ന് കമല്‍ഹാസന്‍ നേരത്തേ പറഞ്ഞിരുന്നു. ഇതിനു പിന്നാലെയാണ് രജനി ഈ വിഷയത്തില്‍ പ്രതിഷേധ ആഹ്വാനവുമായി രംഗത്തെത്തിയത്.
also read:കാവേരി വിഷയത്തില്‍ പ്രശ്നപരിഹാരം ഉടന്‍ ഉണ്ടാകുമെന്ന് സുപ്രീംകോടതി
ചെന്നൈയില്‍ തമിഴ് ചലച്ചിത്ര താരങ്ങളുടെ ഉപവാസ സമരത്തിൽ രജനീകാന്തിനെ കൂടാതെ നടന്‍ കമല്‍ഹാസന്‍ അടക്കമുള്ള താരങ്ങളും പങ്കെടുത്തു. തമിഴ്നാട്ടില്‍ രാഷ്‌ട്രീയ പാര്‍ട്ടികളും പ്രാദേശിക സംഘടനകളും റെയില്‍വേ ഉപരോധമുള്‍പ്പെടെയുള്ള സമരപരിപാടി ശക്തമാക്കി. ഉടനടി പ്രശ്നപരിഹാരം ഉണ്ടാകണമെന്നാണ് ഇവരുടെ ആവശ്യം.
Post Your Comments