ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസില്‍ ഇന്ത്യയ്ക്ക് ഒരു വെങ്കലം കൂടി. ഗെയിംസില്‍ ഇന്ത്യയുടെ ആദ്യ വെങ്കലമാണിത്. ഇതോടെ ഇന്ത്യയുടെ ആകെ മെഡല്‍ നാലായി ഉയര്‍ന്നു. ഭാരോദ്വഹനത്തില്‍ ദീപക് ലാതെറാണ് വെങ്കലം നേടിയത്. നാലു മെഡലും ഭാരോദ്വഹനത്തിലാണ്. ഭാരോദ്വഹനത്തില്‍ മെഡല്‍ നേടുന്ന ഏറ്റവും പ്രായം കുറഞ്ഞ പുരുഷ താരമെന്ന റെക്കോര്‍ഡും ദീപക് സ്വന്തമാക്കി.
ഇന്ത്യക്ക് വേണ്ടി ഭാരോദ്വഹനത്തില്‍ മീരാഭായ് ചാനുവും സഞ്ജിതാ ചാനുവും സ്വര്‍ണ്ണം നേടി. വനിതകളുടെ 53 കിലോ ഭരോദ്വഹനത്തിനാണ് സഞ്ജിതാ ചാനുവിന്‍റെ സ്വര്‍ണ്ണ നേട്ടം. 48 കിലോ വിഭാഗത്തില്‍ മത്സരിച്ച മീരാഭായ് ചാനുവാണ് ആദ്യ സ്വര്‍ണ്ണത്തിനുടമ. ഗെയിംസ് റെക്കോര്‍ഡോടെയാണ് സഞ്ജിതയുടെ സ്വര്‍ണ്ണ നേട്ടം. 2014 ഗ്ലാസ്‌ഗോ കോമണ്‍വെല്‍ത്ത് ഗെയിംസില്‍ 48 കിലോ വിഭാഗത്തില്‍ മണിപ്പൂര്‍ സ്വദേശിയായ സഞ്ജിത സ്വര്‍ണ്ണം നേടിയിരുന്നു.
Post Your Comments