കാസര്‍ഗോഡ്: കഴിഞ്ഞ ദിവസം കോളേജിൽ നിന്ന് പരീക്ഷ എഴുതിയ ശേഷം അപ്രത്യക്ഷയായ അമ്പിളി ഓട്ടോ ഡ്രൈവർ ജോബിനൊപ്പം സുമംഗലിയായി തിരിച്ചെത്തി. കഴിഞ്ഞ ദിവസമാണ് മൂന്ന് മണിക്ക് കോളേജിൽ നിന്ന് ഇറങ്ങിയ ശേഷം അമ്പിളിയെ കാണാതായത്. പാണത്തൂര്‍ നെല്ലിക്കുന്ന് തമ്പാന്റേയും പ്രേമലതയുടേയും മകളാണ് അമ്പിളി. പരീക്ഷ കഴിഞ്ഞ് കൂട്ടുകാരനായ പനത്തടിയിലെ ഓട്ടോ ഡ്രൈവര്‍ ജോബിനോടൊപ്പം മുങ്ങി എന്നാണ് മാതാവ് നൽകിയ പരാതിയിൽ പറയുന്നത്.
അന്വേഷണം നടക്കുന്നതിനിടെ ഇരുവരും ഹോസ്ദുര്‍ഗ്ഗ് പൊലീസ് സ്റ്റേഷനില്‍ എത്തുകയായിരുന്നു. ഇന്നലെ പെരിങ്ങോം മുക്കുഴി ശിവക്ഷേത്രത്തില്‍ വെച്ച്‌ വിവാഹിതരായെന്നാണ് ഇവർ പോലീസിനോട് പറഞ്ഞത്. ഇവര്‍ തമ്മില്‍ നേരത്തെ പ്രണയത്തിലായിരുന്നുവെന്നറിഞ്ഞതോടെ വീട്ടുകാർ മാതൃസഹോദരിയുടെ വീട്ടിലേക്ക് അമ്പിളിയെ മാറ്റിയിരുന്നു. കോളേജിൽ പരീക്ഷ കഴിഞ്ഞതിന് ശേഷം ജോബിനൊപ്പം അമ്പിളി സ്ഥലം വിടുകയായിരുന്നു.
Post Your Comments