ന്യൂഡല്‍ഹി: ധനകാര്യമന്ത്രി അരുണ്‍ ജെയ്റ്റിലിക്ക് വൃക്കരോഗമാണെന്നും ഉടന്‍തന്നെ വൃക്കമാറ്റിവയ്ക്കല്‍ ശസ്ത്രക്രിയയ്ക്ക് വിധേയനായേക്കുമെന്നും റിപ്പോർട്ട്. ആരോഗ്യ പരിശോധനകള്‍ നടത്തിയതിന് ശേഷം അണുബാധയുണ്ടാകാന്‍ സാധ്യതയുണ്ടെന്ന് ചൂണ്ടിക്കാട്ടി പൊതുപരിപാടികളുടെ എണ്ണം കുറയ്ക്കണമെന്ന് ജെയ്റ്റിലിക്ക് ഡോക്ടർമാർ നിർദേശം നൽകിയിരുന്നു.
Read Also: ഇന്ത്യക്കാരുടെ വിവരങ്ങളും ചോർന്നു ; തുറന്ന്‍ പറച്ചിലുമായി ഫേസ്ബുക്ക്‌
ഉത്തര്‍പ്രദേശില്‍ നിന്ന് രാജ്യസഭാംഗമായി തിരഞ്ഞെടുക്കപ്പെട്ടെങ്കിലും അരുണ്‍ജെയ്റ്റ്ലി ഇതുവരെ സത്യപ്രതിജ്ഞ ചെയ്തിട്ടില്ല. ആരോഗ്യനില മോശമായതിനാലാണ് ഇതെന്നാണ് സൂചന. ഏറെക്കാലമായി പ്രമേഹരോഗബാധിതനാണ് ജെയ്റ്റ്ലി. ഇതും ശസ്ത്രക്രിയയ്ക്ക് പ്രതിസന്ധി സൃഷ്ടിക്കുന്നുണ്ട്. ഡല്‍ഹി എയിംസ് ആശുപത്രിയിലായിരിക്കും ശസ്ത്രക്രിയ നടത്തുക.
Post Your Comments