ന്യൂഡല്‍ഹി•അതിവേഗം വളരുന്ന ആഭ്യന്തര വ്യോമയാന വിപണിയില്‍ സാന്നിധ്യം ശക്തമാക്കുന്നതിന്റെ ഭാഗമായി പുതിയ 75 ബോയിംഗ് 737 മാക്സ് വിമാനങ്ങള്‍ കൂടി വാങ്ങുന്നതിനുള്ള കരാറില്‍ ജെറ്റ് എയര്‍വേയ്സും വിമാന നിര്‍മ്മാതാക്കളായ ബോയിംഗും ഒപ്പുവച്ചു.
ബോയിംഗ് 777-300 ഇ.ആറുകളും എയര്‍ബസ് എ330-200, എ330-300 കളും നെക്സ്റ്റ് ജനറേഷന്‍ ബോയിംഗ് 737 കളും, എ.ടി.ആര്‍ 72-500/600 വിമാനങ്ങളും ഉള്‍പ്പടെ 119 വിമാനങ്ങളാണ് ജെറ്റ് എയര്‍വേയ്സിന്റെ പക്കലുള്ളത്‌.
നേരത്തെ, 75 ബോയിംഗ് 737 മാക്സ് വിമാനങ്ങള്‍ക്ക് ജെറ്റ് എയര്‍വേയ്സ് ഓര്‍ഡര്‍ നല്‍കിയിരുന്നു. ഇതിന്റെ ഡെലിവറി ജൂലൈ-ഓഗസ്റ്റ്‌ മാസങ്ങളില്‍ ആരംഭിക്കുമെന്ന് പ്രതീക്ഷിക്കുന്നു. ഇതിന് പുറമെയാണ് 75 വിമാനങ്ങള്‍ക്ക് കൂടി ഓര്‍ഡര്‍ നല്‍കിയിരിക്കുന്നത്.
Post Your Comments