തൃപ്പൂണിത്തുറ: സ്‌കൂളുകളും കോളജുകളും അടയ്‌ക്കുന്നതിന്റെ ആഘോഷത്തിന്‌ വിദ്യാര്‍ഥികള്‍ക്ക്‌ വില്‍പ്പന നടത്തുവാനായി എത്തിച്ച മയക്കുമരുന്നുമായി യുവാവ് അറസ്റ്റിയിൽ.ലക്ഷങ്ങൾ വിലമതിക്കുന്ന 374 ഗ്രാം ഹാഷിഷ് ഓയിലും ഒരു കിലോഗ്രാമിലധികം കഞ്ചാവുമായി യുവാവിനെ തൃപ്പൂണിത്തുറ പോലീസ്‌ അറസ്‌റ്റ്‌ ചെയ്യുകയായിരുന്നു. എരുമേലി ആറ്റത്തറ വീട്ടില്‍ മുനീര്‍ ഇബ്രാഹിം (28) ആണ്‌ ഏരൂരില്‍ നിന്ന് അറസ്‌റ്റിലായത്‌.
സി.ഐ. പി.എസ്‌. ഷിജു, എസ്‌.ഐ. സനല്‍ എസ്‌., ജൂനിയര്‍ എസ്‌.ഐ. അനസ്‌, ജില്ലാ നര്‍ക്കോട്ടിക്‌ വിരുദ്ധ സംഘത്തിലെ അംഗങ്ങളായ എ.എസ്‌.ഐമാരായ സുരേഷ്‌, ജോസി, മധു, ബിനു, സി.പി.ഒമാരായ ഹരികുമാര്‍, ഡിനില്‍, ദിനേശന്‍ എന്നിവരും പ്രതിയെ പിടികൂടിയ പോലീസ്‌ സംഘത്തിലുണ്ടായിരുന്നു.
Post Your Comments