ന്യൂഡല്‍ഹി: പ്രമുഖ ഇന്ത്യന്‍ ക്രിക്കറ്റ് താരത്തിന് വാഹനാപകടത്തില്‍ പരിക്ക്. ഡറാഡൂണില്‍ നിന്ന് ഡല്‍ഹിയിലേക്കുള്ള യാത്രാ മദ്ധ്യേയാണ് മുഹമ്മദ് ഷമിയ്‌ക്ക് പരിക്കേറ്റത്‌. സാരമായ പരിക്കുകളല്ലെങ്കിലും തലയില്‍ തുന്നലിടേണ്ടി വന്നിട്ടുണ്ട്. അടുത്തകാലത്ത് നിരവധി വിവാദങ്ങളിപ്പെട്ട ഇന്ത്യൻ ക്രിക്കറ്റ് താരം കൂടിയാണ് മുഹമ്മദ് ഷമി.
ഷമിക്ക് മറ്റ് സ്ത്രീകളുമായി അവിഹിത ബന്ധമുണ്ടെന്നും തന്നെ മാനസികമായും ശാരീരികമായും പീഡിപ്പിക്കാറുണ്ടെന്നും ഭാര്യ ഹാസിന്‍ ആരോപിച്ചിരുന്നു. ഷമിയുടെ പരസ്ത്രീ ബന്ധങ്ങള്‍ തെളിയിക്കാനായി വാട്സ് ആപ്പിലെയും ഫേസ്‌ബുക്കിലെയും ചിത്രങ്ങളുടെ സ്ക്രീന്‍ ഷോട്ടുകളും ഹാസിന്‍ പുറത്തുവിട്ടിട്ടുണ്ട്. അതേസമയം ഹാസിന്‍റെ ആരോപണങ്ങള്‍ക്ക് മറുപടിയുമായി ഷമി ഫേസ്ബുക്കിലും, ട്വിറ്ററിലും എത്തിയിരുന്നു.
ഷമി തന്‍റെ പോസ്റ്റില്‍ കുറിച്ചിരിക്കുന്നത് തന്‍റെ വ്യക്തിപരമായ ജീവിതത്തിനെക്കുറിച്ചുള്ള ഈ ആരോപണങ്ങളൊക്കെ അടിസ്ഥാനരഹിതമാണെന്നും, ഇത് എന്നെയും എന്‍റെ കളിയെയും നശിപ്പിക്കാന്‍ വേണ്ടിയുള്ള മനപൂര്‍വ്വമായ ആരോപണമാണെന്നുമാണ്. ശ്രീലങ്കയില്‍ നടക്കുന്ന ത്രിരാഷ്ട്ര പരമ്പരയില്‍ ഇന്ത്യന്‍ ടീമിനൊപ്പമാണ് ഷമിയിപ്പോള്‍. ശ്രീലങ്കക്കെതിരായ ആദ്യ മത്സരത്തില്‍ ഷമി അന്തിമ ഇലവനില്‍ ഇടം നേടിയിരുന്നില്ല.
Post Your Comments