കോട്ടയം: ചെങ്ങന്നൂരില്‍ കേരളാ കോണ്‍ഗ്രസ് പിന്തുണയ്‌ക്കുന്ന സ്ഥാനാര്‍ത്ഥി ജയിക്കുമെന്ന്കേരളാ കോണ്‍ഗ്രസ് (എം) ചെയര്‍മാന്‍ കെ.എം.മാണി പറഞ്ഞു. കേരളാ കോണ്‍ഗ്രസ് ചെങ്ങന്നൂരില്‍ നിര്‍ണായക ശക്തിയായിരിക്കും. ആര്‍ക്കും തങ്ങളെ എഴുതിത്തള്ളാനാവില്ല. മാത്രമല്ല തിരഞ്ഞെടുപ്പിന് വേണ്ടി മാത്രം മുന്നണി ബന്ധമുണ്ടാക്കില്ലെന്നും അദ്ദേഹം വ്യക്തമാക്കി.എന്നാല്‍ താന്‍ ഏത് മുന്നണിയിലേക്കാണെന്ന് മാണി വെളിപ്പെടുത്തിയില്ല.
read also: കെ.എം.മാണി വീണ്ടും കുരുക്കിൽ
മൂന്ന് മുന്നണികളും ചെങ്ങന്നൂരില്‍ മാണിയുടെ വോട്ട് തങ്ങള്‍ക്കാകുമെന്നാണ് കണക്ക് കൂട്ടുന്നത്. ഇതിന് വേണ്ടി കോണ്‍ഗ്രസും ബി.ജെ.പിയും മാണിയുമായി ചര്‍ച്ചകള്‍ നടത്തുകയും ചെയ്‌തിരുന്നു. അതേസമയം, തങ്ങള്‍ക്ക് മാണിയുടെ വോട്ട് വേണ്ടെന്നാണ് സി.പി.ഐ സംസ്ഥാന സെക്രട്ടറി കാനം രാജേന്ദ്രന്റെ നിലപാട്. എന്നാല്‍ കഴിഞ്ഞ ദിവസം ഈ നിലപാട് തിരുത്തി എല്‍.ഡി.എഫ് കണ്‍വീനര്‍ വൈക്കം വിശ്വന്‍ രംഗത്തെത്തിയിരുന്നു.
Post Your Comments