കൊല്ലം: കൊല്ലത്ത് നടക്കുന്ന കേരളാ യൂണിവേഴ്‌സിറ്റി കലോത്സവം റിപ്പോര്‍ട്ട് ചെയ്യാനെത്തിയ കേരള കൗമുദി ഫോട്ടോഗ്രാഫര്‍ക്ക് എസ്.എഫ്.ഐക്കാരുടെ മര്‍ദ്ദനം. കൊല്ലം ഫാത്തിമ നാഷണല്‍ കോളേജിലെ ചാക്യാര്‍കൂത്ത് വേദിയില്‍ വെള്ളിയാഴ്‌ച ഉച്ചയോടെയാണ് സംഭവം നടന്നത്. കേരള കൗമുദി ഫോട്ടോഗ്രാഫര്‍ ശ്രീധര്‍ലാലിനെയാണ് എസ് എഫ് ഐ പ്രവര്‍ത്തകര്‍ മര്‍ദ്ദിച്ചത്. വേദിയിൽ കുഴഞ്ഞ് വീണ മത്സരാര്‍ത്ഥിയുടെ ഫോട്ടോ എടുക്കാന്‍ ശ്രമിച്ചതിനാണ് ഇദ്ദേഹത്തെ ഇവർ മർദ്ദിച്ചത്.
മത്സരത്തിനിടെ ഒരു വിദ്യാര്‍ത്ഥി കുഴഞ്ഞ് വീണത് ചിത്രീകരിക്കാന്‍ ശ്രമിച്ചതോടെ എസ്.എഫ്.ഐ പ്രവര്‍ത്തകര്‍ കൂട്ടത്തോടെ ശ്രീധര്‍ലാലിനെ ആക്രമിക്കുകയായിരുന്നു. ഇയാളുടെ കൈയ്യിലിരുന്ന കാമറ പിടിച്ചു വാങ്ങാനും മെമ്മറി കാര്‍ഡ് ഊരിവാങ്ങാനും ശ്രമം നടന്നു. സംഭവം കണ്ട് നിന്ന പൊലീസുകാര്‍ ഇതില്‍ ഇടപെടാതെ മാറി നിന്നെന്നും ആരോപണമുണ്ട്.
Post Your Comments