ദുബായ്: യാത്രക്കാര്‍ക്കൊരു സന്തോഷ വാര്‍ത്ത. മാര്‍ച്ച് 20ന് സൗജന്യ സര്‍വീസ് നടത്താനൊരുങ്ങുകയാണ് ഡ്രൈവര്‍മാര്‍. ദുബായ് എയര്‍പോട്ടിലാണ് നൂറു ടാക്‌സികള്‍ മാര്‍ച്ച് ഇരുപതിന് യാത്രക്കാര്‍ക്ക് സൗജന്യമായി സര്‍വീസ് നടത്തുന്നത്. മാര്‍ച്ച് ഇരുപതിന് സന്തോഷ ദിനത്തിന്റെ ഭാഗമായാണ് സൗജന്യ ടാക്‌സി സര്‍വീസ് നടത്തുന്നതെന്ന് ദുബായ് ആര്‍ ടി എ അറിയിച്ചു.
ഗ്ലോബല്‍ വില്ലേജില്‍ നിന്നും ലാമെര്‍ ദുബായ് പാര്‍ക്ക് എന്നിവിടങ്ങളില്‍ നിന്നും ദൂര സ്ഥലങ്ങളി ലേക്ക് പോകേണ്ടവര്‍ക്ക് ഹാപ്പിനെസ്സ് ബസ് സെര്‍വീസും ഏര്‍പ്പെടുത്തിയിട്ടുണ്ട്. ദുബായില്‍ ഈ ആഴ്ചമുഴുവന്‍ ബസുകളിലും ടാക്‌സി സര്‍വീസുകളിലും ഹാപ്പിനെസ്സ് ലോഗോ പതിപ്പിക്കും. ദുബായ് മെട്രോ യിലും ട്രാമിലും സന്തോഷ ദിനമായി ആചരിക്കുന്ന മാര്‍ച്ച് ഇരുപതിന് യാത്രക്കാര്‍ക്ക് സൗജന്യ മായി യാത്ര ചെയ്യാവുന്നതാണ്. വിനോദ സഞ്ചാരിക ള്‍ക്കായി ഹാട്ട ദാ തടാകത്തില്‍ സൗജന്യ കയാക്കിങ്ങും ഏര്‍പ്പെടുത്തിയിട്ടുണ്ട്.
Also Read : തിരുവനന്തപുരം-ഡല്‍ഹി യാത്രക്കാര്‍ക്കൊരു സന്തോഷവാര്‍ത്ത
അതേസമയം സമൂഹത്തില്‍ ഒരു പോസറ്റീവ് സമീപനം കൊണ്ടുവരുന്നതിനും ജനങ്ങളില്‍ അതേക്കുറിച്ച് ഒരു അവബോധം സൃഷ്ടിക്കുന്നതിനും ഇത് കാരണമാകുമെന്ന് അഡ്മിനിസ് ട്രേറ്റീവ് കോ ഓപ്പറേറ്റീവ് സി.ഇ.ഒ യുസഫ് അല്‍ റിദ പറഞ്ഞു. കൂടാതെ സമൂഹത്തിനു പോസിറ്റീവ് മെസ്സേജുകള്‍ നല്‍കിയാല്‍ ജോലിക്കാര്‍ക്ക് 1600 ചോക്ലേറ്റ് 2500 ഹലാ ഫോണ്‍ കാര്‍ഡുകള്‍ സൗജന്യ മീല്‍സ് കൂപ്പണുകള്‍ തുടങ്ങി നിരവധി ആകര്‍ഷകമായ സമ്മാനങ്ങളും നല്‍കാനൊരുങ്ങുകയാണ് ദുബായ് അധികൃതര്‍.
Post Your Comments