തൂക്കി നോക്കാതെ മൃതദേഹം നാട്ടിലെത്തിക്കാനുള്ള നിരക്ക് പ്രഖ്യാപിച്ച് എയര്‍ അറേബ്യ

ഷാർജ: മൃതദേഹം നാട്ടിലെത്തിക്കാന്‍ എയര്‍ അറേബ്യ ഏകീകൃത നിരക്ക് നിശ്ചയിച്ചു. യു.എ.ഇയില്‍ നിന്നും മൃതദേഹങ്ങള്‍ ഇന്ത്യയിലെത്തിക്കാന്‍ 1,100 ദിര്‍ഹം (ഏകദേശം 19,500 രൂപ) ഇടാക്കുമെന്നാണ് കമ്പനി അറിയിച്ചിരിക്കുന്നത്. മൃതദേഹം തൂക്കി നോക്കാതെ നിരക്ക് നിശ്ചയിക്കുന്ന ആദ്യ വിമാന കമ്പനിയാണ് എയര്‍ അറേബ്യ. എയര്‍ ഇന്ത്യ ഉള്‍പ്പെടെയുള്ളവര്‍ ഇപ്പോഴും പഴയ രീതിയാണ് പിന്തുടരുന്നത്.

also read:കോലാലംപൂര്‍ വിമാനത്താവളത്തില്‍വച്ച് മരിച്ച മകന്റെ മൃതദേഹം

ഷാർജയിൽ നിന്ന് കേരളത്തിലെ എല്ലാ വിമാനത്താവളങ്ങളിലേക്കും എയര്‍ അറേബ്യ സര്‍വ്വീസ് നടത്തുന്നുണ്ട്. അതുകൊണ്ടുതന്നെ പുതിയ സംവിധാനം മലയാളികൾക്കും ഏറെ ആശ്വാസം പകരുന്നതാണ്. വിദേശത്ത് മരണപ്പെടുന്ന ഇന്ത്യക്കാരുടെ മൃതദേഹം സൗജന്യമായി നാട്ടിലെത്തിക്കാനുള്ള സൗകര്യമൊരുക്കണമെന്ന് പ്രവാസി സംഘടനകളും സാമൂഹിക പ്രവര്‍ത്തകരും ഏറെ നാളായി ആവശ്യപ്പെടുന്നുണ്ടെങ്കിലും ഇതുവരെ അനുകൂല തീരുമാനം ഉണ്ടായിട്ടില്ല.