ലോറികൾ തമ്മിൽ കൂട്ടിയിടിച്ചുണ്ടായ അപകടത്തിൽ രണ്ട് പേര്‍ക്ക് ദാരുണാന്ത്യം

കുറവിലങ്ങാട്: തടി ലോറിയുടെ പിന്നില്‍ മിനി ലോറിയിടിച്ച് രണ്ട് പേര്‍ മരിച്ചു ഒരാൾക്ക് ഗുരുതരമായ പരിക്കേറ്റു .മിനി ലോറിയില്‍ യാത്ര ചെയ്തിരുന്ന മുത്തയ്യ (50), ദിനേശ്കുമാര്‍(26) എന്നിവരാണ് മരിച്ചത്.ഇരുവരും തമിഴ്നാട് സ്വദേശികളാണ്. ലോറി ഡ്രൈവര്‍ സെന്തില്‍ മുരുകനെ (38) പരുക്കുകളോടെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ഇന്ന് പുലര്‍ച്ച 2.20ന് എം സി റോഡിൽ കുറവിലങ്ങാടിന് സമീപം നിർത്തിയിട്ടിരുന്ന തടിലോറിയിലേക്ക് കോട്ടയത്തുനിന്നും ആക്രി സാധനങ്ങളുമായി തൃശൂരിലേക്കു പോവുകയായിരുന്ന മിനിലോറി ഇടിച്ചുകയറുകയിരുന്നു.

Read also:മരിച്ചുവെന്ന് കരുതിയ വ്യക്തി ജീവനോടെ തിരിച്ചെത്തി; പക്ഷെ കോടതി നിഷേധിച്ചു

ഒരാൾ സംഭവസ്ഥലത്ത് തന്നെ മരിച്ചു. മറ്റൊരാൾ മെഡിക്കല്‍ കോളജ് ആശുപത്രിയിൽവെച്ചാണ് മരിച്ചത്.ഇടിയുടെ ആഘാതത്തില്‍ ലോറിയുടെ കാബിനുള്ളില്‍ കുടുങ്ങിപ്പോയ മൂവരെയും കുറവിലങ്ങാട്, മരങ്ങാട്ടുപിള്ളി പൊലീസ് സ്റ്റേഷനുകളില്‍ നിന്നെത്തിയ പൊലീസ് ഉദ്യോഗസ്ഥരും ഹൈവേ പൊലീസും സമീപവാസികളും ചേര്‍ന്ന് വെട്ടിപ്പൊളിച്ചാണ് പുറത്തെടുത്തത്.