മൂന്നാര്‍: ഹോട്ടല്‍ മുറിയില്‍ വിഷം കഴിച്ച് വിദ്യാര്‍ത്ഥിനി മരിച്ച സംഭവത്തില്‍ ഒപ്പം ആത്മഹത്യയ്ക്ക് ശ്രമിച്ച യുവാവിനെ പോലീസ് അറസ്റ്റ് ചെയ്തു. ഉടുമലപ്പെട്ടി സ്വദേശി സതീഷാണ് അറസ്റ്റിലായത്. ഹോട്ടല്‍ മുറിയില്‍ വെചച്ച് പെണ്‍കുട്ടിയും യുവാവും ഒരുമിച്ച് വിഷം കഴിച്ചെങ്കിലും സതീഷിനെ ഹോട്ടല്‍ ജീവനക്കാര്‍ ആശുപത്രിയില്‍ എത്തിക്കുകയായിരുന്നു.
ഗുരുതരാവസ്ഥയിലായിരുന്ന യുവാവിനെ വ്യാഴാഴ്ച വിട്ടയച്ചതോടെയാണ് പോലീസ് അറസ്റ്റ് ചെയ്തതത്. രണ്ടുകുട്ടികളുടെ പിതാവായ സതീഷിനെ ബന്ധുക്കള്‍ ഉപേക്ഷിച്ചിരുന്നു. ഈ മാസം 10നാണ് പ്രായപൂര്‍ത്തിയാകാത്ത പെണ്‍കുട്ടിയോടൊപ്പം സതീഷ് മൂന്നാര്‍ സന്ദര്‍ശനത്തിനെത്തിയത്. ഇത് പെണ്‍കുട്ടിയുടെ വീട്ടുകാര്‍ അറിഞ്ഞതോടെ ഇരുവരും വിഷം കഴിച്ച് ആത്മഹത്യക്ക് ശ്രമിക്കുകയും പെണ്‍കുട്ടി മരിക്കുകയുമായിരുന്നു. സംഭവത്തിലെ ദുരൂഹത കണക്കിലെടുത്താണ് സതീഷിനെ അറസ്റ്റ് ചെയ്തതെന്നാണ് വിവരം.
Post Your Comments