ഗാനമേളക്കിടെ പ്രശസ്ത യുവ ഗായകൻ കുഴഞ്ഞു വീണു, നില ഗുരുതരം

തിരുവനന്തപുരം : ഗാനമേളക്കിടെ പ്രശസ്ത യുവ ഗായകൻ കുഴഞ്ഞു വീണു. ഗാനമേളകളിൽ ശ്രദ്ധേയനായ യുവ ഗായകനും തിരുവനന്തപുരം സ്വദേശിയുമായ ഷാനവാസാണ് ശാർക്കര ക്ഷേത്രത്തിൽ നടന്ന ഗാനമേളയ്ക്കിടെ സ്റ്റേജിൽ നിന്ന് കുഴഞ്ഞ്‌ താഴേക്ക്‌ വീണത്‌. മറ്റൊരു ഗായികയ്ക്കൊപ്പം തമിഴ്‌ ഗാനം ആലപിക്കുന്നതിനിടെയാണ് ഷാനവാസ്‌ വേദിയിൽ നിന്ന് താഴേക്ക്‌ വീണത്‌.ഉടൻ തന്നെ ഓടിക്കൂടിയ ആൾക്കാർ ഷാനവാസിനെ ആശുപത്രിയിൽ എത്തിക്കുകയായിരുന്നു.

തിരുവനന്തപുരം മെഡിക്കൽ കോളേജിൽ അടിയന്തിര ശസ്ത്രക്രിയക്ക്‌ വിധേയനാക്കിയ ഷാനവാസിന്റെ നില ഗുരുതരമായി തുടരുകയാണ്. ഐ സി യുവിലാണ് ഇപ്പോൾ ഷാനവാസ്‌. ശാർക്കരയിൽ ഗാനമേളക്കിടെ കണ്ടുനിന്നവർ പകർത്തിയ വീഡിയോ ദൃശ്യങ്ങൾ കാണാം.സിനിമകളിൽ പാടിയിട്ടില്ലെങ്കിലും ഗാനമേളകളിലൂടെ പ്രശസ്തനാണ് ഷാനവാസ്. ഗായകന്റെ ആരോഗ്യത്തിനും തിരിച്ചുവരവിനുമായുള്ള പ്രാർഥനയിലാണ് ബന്ധുക്കളും സുഹൃത്തുക്കളും.