റാസൽഖൈമ ; യുഎഇയിലെ ഒരു മല മുകളിൽ പാമ്പ് കടിയേറ്റ വിദേശ തൊഴിലാളിയെ ഹെലികോപ്റ്ററുമായെത്തി റാസൽഖൈമ പൊലീസ് രക്ഷിച്ചു. ബുധനാഴ്ച വൈകിട്ട് അഞ്ചുമണിക്കാണ് എമിറേറ്റിലെ ഒരു മലയുടെ മുകളിൽ വച്ച് മുപ്പതുകാരനായ തൊഴിലാളിയെ പാമ്പുകടിച്ചതായി വിവരം ലഭിച്ചതെന്ന് പൊലീസ് എയർവിങ് ഡയറക്ടർ കേണൽ സഈദ് റാഷിദ് അൽ യമാഹി പറയുന്നു.
തൊഴിലാളി സഹായം അഭ്യർഥിച്ചു നിൽക്കുന്ന സ്ഥലം കണ്ടെത്തി. എന്നാൽ വാഹനങ്ങൾ എത്തിപ്പെടാൻ കഴിയാത്ത മലയാണെന്ന് മനസ്സിലാക്കിയതോടെ ജീവൻ രക്ഷാമരുന്നുകളുമായി ഹെലികോപ്റ്റർ അടിയന്തിരമായി അയക്കുകയായിരുന്നു. ഏഷ്യൻ രാജ്യക്കാരനായ തൊഴിലാളിയെ പെട്ടെന്ന് തന്നെ ആശുപത്രിയിൽ പ്രവേശിപ്പിച്ച് ആവശ്യമായ വൈദ്യസഹായം നൽകാൻ സാധിച്ചതായും മലകളിലും കടലിലും പോകുന്നവർ അവരുടെ വിശദാംശങ്ങൾ സുരക്ഷാ വകുപ്പിന് കൈമാറണമെന്നും അദ്ദേഹം പറഞ്ഞു.
ALSO READ ;ബന്ധു കൊടുത്തുവിട്ട പൊതിയുമായി പോയ മലയാളി യുവാവ് ദോഹയില്‍ അറസ്റ്റില്‍
Post Your Comments