പുതുക്കാട് (തൃശൂർ): വൻ തീപിടിത്തം. ഇന്നു പുലർച്ച രണ്ടോടെ കാഞ്ഞൂർ റോഡിൽ ഗ്ലസൻ എന്നയാളുടെ ഉടമസ്ഥതയിലുള്ള ചൂണ്ടക്കാട്ടിൽ ബേക്കേഴ്സ് എന്ന സ്ഥാപനമാണ് തീപ്പിടിച്ച് നശിച്ചത്. ഇവരുടെ വീടിനോട് ചേർന്ന് പ്രവർത്തിച്ചിരുന്ന ഡ്രസ് വേൾഡ് എന്ന തയ്യൽ സ്ഥാപനവും കത്തിനശിച്ചു. വീടിന്‍റെ മുകൾ നിലയിലേക്ക് തീയും പുകയും അനുഭവപ്പെട്ടതിനെ തുടർന്നാണ് വീട്ടുകാർ സംഭവം അറിഞ്ഞത്. വിവരം അറിയിച്ചതിനെ തുടർന്ന് എത്തിയ ഫയർഫോഴ്സ് രണ്ട് മണിക്കൂറോളം പ്രയത്നിച്ചാണ് തീ നിയന്ത്രണ വിധേയമാക്കിയത്.
ഷോർട്ട് സർക്യൂട്ട് ആകാം തീപിടുത്തത്തിന് കാരണമെന്ന് നിഗമനം. ബിരിയാണി ഉത്പന്ന മൊത്തവിതരണ കേന്ദ്രത്തിൽ നിന്നും തയ്യൽ കടയിലേക്ക് തീ പടരുകയായിരുന്നു. തയ്യൽ കടയിൽ നിന്നും തീ പടർന്ന് സമീപ വീട്ടിലെ ഫർണീച്ചറുകളും കത്തി നശിച്ചു. ഏകദേശം പത്ത് ലക്ഷത്തോളം രൂപയുടെ നാശനഷ്ടമാണ് കണക്കാക്കുന്നത്.
Post Your Comments