രാത്രി വീട്ടിൽ കയറി വയോധികയെ പീഡിപ്പിക്കാൻ ശ്രമിച്ച പ്രതി അറസ്റ്റിൽ

തിരുവല്ല : രാത്രി വീട്ടിൽ കയറി എഴുപത്തിയേഴുകാരിയെ പീഡിപ്പിക്കാൻ ശ്രമിച്ച പ്രതി അറസ്റ്റിൽ. പരുമല തിക്കപ്പുഴ കെ‍ാട്ടയ്ക്കാട്ടുമാലി കോളനിയിൽ സബീറിനെ (30) പെ‍ാലീസ് അറസ്റ്റ് ചെയ്തു.തിങ്കളാഴ്ച രാത്രി 11 മണിയോടെ ഇതേ കോളനിയിൽ താമസിക്കുന്ന സ്ത്രീയ്ക്കു നേരെയാണ് പീഡനശ്രമം ഉണ്ടായത്. ഇവർ ബഹളം വച്ചതിനെ തുടർന്ന് പ്രതി ഓടി രക്ഷപ്പെടുകയായിരുന്നു.

2010 മേയിൽ കടപ്ര സൈക്കിൾമുക്ക് ഒന്നാംകുരിശിനു സമീപം പള്ളത്തു റേച്ചൽ സാമുവലിനെ കെ‍ാലപ്പെടുത്തിയ കേസിൽ ശിക്ഷ അനുഭവിച്ചു പുറത്തിറങ്ങിയ സബീർ വിവിധ മോഷണക്കേസുകളിലും പ്രതിയാണെന്ന് പെ‍ാലിസ് പറഞ്ഞു. സ്ത്രീകളെ ശല്യപ്പെടുത്തിയ വിവിധ കേസുകളിലും ഇയാൾ പ്രതിയാണ്.