അജ്മാന്‍ ; യുഎഇയില്‍ യാത്രക്കാരുടെ ദേഹത്ത് തുപ്പി പണം തട്ടിയിരുന്ന നാലംഗ ആഫ്രിക്കൻ സംഘത്തെ അജ്‌മാൻ പൊലീസ് പിടികൂടി . നഖീൽ മേഖലയിൽ നിന്നാണ് പ്രതികൾ പിടിയിലായത്. കാൽനടയാത്രക്കാരുടെ ശരീരത്തിലൊക്കോ വസ്ത്രത്തിലെക്കോ മനപ്പൂർവം തുപ്പിയ ശേഷം ക്ഷമാപണം നടത്തും. പിന്നീട് തുപ്പിയ ഭാഗം തുടയ്ക്കുന്ന പോലെ അഭിനയിച്ചു ഞൊടിയിടയിൽ പേഴ്സോ വിലപിടിപ്പുള്ള വസ്തുക്കളോ കൈക്കലാക്കി കടന്നുകളയുകയാണ് പതിവ്. തെരുവുകളിൽ ആളുകളെ നിരീക്ഷിച്ച ശേഷമായിരുന്നു പ്രതികളുടെ കവർച്ച.
പൊലീസ് നിരീക്ഷണത്തിലായിരുന്ന ഇവരെ അടുത്ത ഒരു കവർച്ച നടത്തവേയാണ് പിടികൂടിയത്. ഒരാളുടെ ദേഹത്തേക്ക് തുപ്പിയ ശേഷം രണ്ടുപേർ ക്ഷാമപണം നടത്താനെന്ന ഭാവത്തില്‍ അടുത്തെത്തി. ഒരാള്‍ തുപ്പല്‍ തുടക്കുന്ന പോലെ അഭിനയിക്കുന്നതിനിടെ തൊട്ടടുത്തുള്ള പ്രതി പണം കവര്‍ന്ന ശേഷം ഓടി. ഇതേ സമയം മറ്റുരണ്ടുപേര്‍ വേറൊരിടത്ത് രക്ഷപ്പെടാനുള്ള വഴിയൊരുക്കി കാത്തു നിന്നു. തുടർന്ന് നാല് പേരും ടാക്സിയില്‍ രക്ഷപ്പെടാനിരിക്കെ സിഐഡി ഉദ്യോഗസ്ഥര്‍ വാഹനം തടഞ്ഞ് പ്രതികളെ അറസ്റ്റ് ചെയുകയായിരുന്നെന്നും കുറ്റം സമ്മതിച്ച ഇവരെ നിയമനടപടികള്‍ക്കായി പ്രോസിക്യൂഷനു കൈമാറിയതായും അജ്‌മാൻ സിഐഡി ഡയറ്കടർ മേജർ അഹ്മദ് സഈദ് അൽ നുഐമി പറഞ്ഞു.
ALSO READ ;ഈ വീഡിയോ കണ്ടതിന് അച്ഛന്‍ മകന്റെ കൈവെട്ടി
Post Your Comments