ഷാര്‍ജ•ഷാര്‍ജയില്‍ പാര്‍പ്പിട സമുച്ചയത്തിലുണ്ടായ തീപ്പിടുത്തത്തില്‍ എഴുപേര്‍ക്ക് പരിക്കേറ്റു. അല്‍-തവൂണ്‍ പ്രദേശത്തെ ടൈഗര്‍ ബില്‍ഡിംഗിലെ ഒരു ഫ്ലാറ്റിലെ അടുക്കളയിലാണ് തീപ്പിടുത്തമുണ്ടായത്.
ഗുരുതരമായി പൊള്ളലേറ്റ രണ്ടുപേരെ സമീപത്തെ ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. മറ്റുള്ളവര്‍ക്ക് സംഭവസ്ഥലത്ത് വച്ച് തന്നെ പ്രാഥമിക ശ്രുശൂഷ നല്‍കി.
രാവിലെ 8.30 ഓടെയാണ് തീപ്പിടുത്തം സംബന്ധിച്ച വിവരം ലഭിച്ചതെന്ന് ഷാര്‍ജ സിവില്‍ ഡിഫന്‍സ് ഡയറക്ടര്‍ ജനറല്‍, കേണല്‍ സാമി അല്‍ നഖ്ബി പറഞ്ഞു. ഉടന്‍ തന്നെ സംനാന്‍, ഇന്‍ഡസ്ട്രിയല്‍ ഏരിയ എന്നിവിടങ്ങളിലെ അഗ്നിശമന സേനകള്‍ സംഭവസ്ഥലത്ത് കുതിച്ചെത്തി തീ നിയന്ത്രണ വിധേയമാക്കിയതായും അദ്ദേഹം പറഞ്ഞു.
Post Your Comments