സിറിയയില്‍ വെ​ടി​നി​ർ​ത്ത​ൽ പ്ര​മേ​യ​ത്തി​ന് അം​ഗീ​കാ​രം നൽകിയതിനു പിന്നാലെ ഭീകര സംഘടനകളുടെ സംയുക്ത ആക്രമണം

ഡ​മാ​സ്ക​സ്: യു​എ​ൻ ര​ക്ഷാ സ​മി​തി​ വെ​ടി​നി​ർ​ത്ത​ൽ പ്ര​മേ​യ​ത്തി​ന് അം​ഗീ​കാ​രം നൽകിയതിനു പിന്നാലെ സിറിയയിൽ ആക്രമണം ശക്തമാക്കി ഭീകര സംഘടനകൾ. വി​മ​ത​കേ​ന്ദ്ര​മാ​യ കി​ഴ​ക്ക​ൻ ഗൂ​ട്ടാ​യി​ൽ ജയിഷ് അൽ ഇസ്‌ലാം, നുസ്‌റ ഫ്രണ്ട്, അഹ്‌റാർ അൽ ഷാം, ഫൈൽക്കർ അർ റഹ്മാൻ, ഫാജിർ അൽ ഉമ എന്നീ അഞ്ച് സംഘടനകളാണ് സൈന്യത്തിനു നേർക്ക് സംയുക്ത ആമ്രണം നടത്തുന്നതെന്നാണ് വിവരം. പ​രി​ക്കേ​റ്റ​വ​രെ പു​റ​ത്തെ​ത്തി​ക്കാ​നും മ​റ്റു സ​ഹാ​യ​പ്ര​വ​ർ​ത്ത​ന​ങ്ങ​ൾ ന​ട​ത്താ​നും ല​ക്ഷ്യ​മി​ട്ടാ​ണ് ഒ​രു മാ​സ​ത്തെ വെ​ടി​നി​ർ​ത്ത​ലിന് ഐക്യരാഷ്ട്രസഭ സുരക്ഷാ സമിതി അംഗീകാരം നൽകിയത്.എന്നാല്‍ അതിനു വിപരീതമായ പ്രവര്‍ത്തികളാണ് ഇപ്പോള്‍ നടക്കുന്നത്.

ALSO READ ;വൻ ഭൂചലനമുണ്ടായി

പ്ര​സി​ഡ​ന്‍റ് ബ​ഷാ​ർ അ​ൽ അ​സാ​ദി​നെ​തി​രേ പോരാടുന്ന വിമതരുടെ അവസാന ശക്തി കേന്ദ്രമാണ് കി​ഴ​ക്ക​ൻ ഗൂ​ട്ടാ. അ​സാ​ദി​നെ പി​ന്തു​ണ​യ്ക്കു​ന്ന റ​ഷ്യ​യും ആ​ക്ര​മ​ണ​ത്തി​ൽ പ​ങ്കെ​ടു​ക്കു​ന്നു​ണ്ടെന്ന റിപ്പോര്‍ട്ടുകള്‍ പുറത്തു വന്നെങ്കിലും ത​ങ്ങൾ​ക്കു ബോം​ബിം​ഗി​ൽ പ​ങ്കി​ല്ലെ​ന്ന് റ​ഷ്യ അ​വ​കാ​ശ​പ്പെട്ടിരുന്നു. അഞ്ച് ഭീകരസംഘടനകൾ സൈന്യത്തിനു നേർക്ക് ആക്രമണം അഴിച്ചുവിട്ട വിവരം റഷ്യൻ പ്രതിരോധ വകുപ്പ് സ്ഥിരീകരിച്ചു.

31 തവണയാണ് കഴിഞ്ഞ 24 മണിക്കൂറിനിടെ ഭീകരർ ഗുട്ടായിൽ ഷെല്ലാക്രമണം നടത്തിയത്. സമീപത്തുള്ള ഖ്വബോൺ നഗരത്തിൽ കാർ ബോംബ് സ്ഫോടനവും ഉണ്ടായെന്നാണ് വിവരമെന്നും രാസായുധ പ്രയോഗം നടത്താന്‍ ഭീകരർ പദ്ധതിയിടുന്നുണ്ടെന്നാണ് സൂചനയെന്നും സിറിയൻ സർക്കാർ വൃത്തങ്ങളും, സൈനികവൃത്തങ്ങളും അറിയിച്ചു. അതേസമയം കി​ഴ​ക്ക​ൻ ഗൂ​ട്ടായുടെ നാ​ലു​പാ​ടും സി​റി​യ​ൻ സേ​ന വ​ള​ഞ്ഞി​രി​ക്കു​ന്ന​തി​നാ​ൽ ഇവിടുത്തെ നാ​ലു ല​ക്ഷം വ​രു​ന്ന ജ​ന​ങ്ങ​ൾ​ക്കു പു​റ​ത്തേ​ക്കു ര​ക്ഷ​പ്പെ​ടാ​നാ​കു​ന്നി​ല്ലെന്നും റിപ്പോര്‍ട്ടുണ്ട്.