കളി മുറുകിയപ്പോള്‍ വെള്ളം കുടിക്കാന്‍ പോയ ഗോളിക്ക് പറ്റിയ അബദ്ധം വൈറലാകുന്നു. ജര്‍മനിയിലെ ബുന്ദസ് ലീഗില്‍ രണ്ടാം ഡിവിഷനില്‍ നടന്ന നടത്ത മല്‍സരത്തിലാണ് സംഭവം നടന്നത്. ഡൂയിസ് ബെര്‍ഗിന്റെ ഗോളി മാര്‍ക് ഫെല്‍ക്കനാണ് എംഎസ്വി ഡൂയിസ് ബെര്‍ഗും ഇന്‍ഗോള്‍സ്റ്റാഡ്റ്റും തമ്മിലുള്ള മത്സരത്തിനിടയ്ക്ക് വെള്ളം കുടിക്കാന്‍ പോയത്.
സംഭവം നടന്നത് മത്സരത്തില്‍ ഡൂയിസ് ബെര്‍ഗ് ഒരു ഗോളിന് ലീഡ് ചെയ്യവെയാണ്. പതിനെട്ടാം മിനിറ്റില്‍ ഇന്‍ഗോള്‍സ്റ്റാഡ്റ്റ് ഗോളി, എതിര്‍ പോസ്റ്റ് ലക്ഷ്യമിട്ട് ലോങ് ബോള്‍ നല്‍കിയത്. പന്ത് ഡൂയിസ്ബര്‍ഗ് ബോക്‌സിലെത്തിയപ്പോള്‍, പ്രതിരോധതാരം ഗെരിറ്റ് നൗബര്‍ പന്ത് ഹെഡ് ചെയ്ത് ഗോളി ഫെല്‍ക്കന് നല്‍കി.
read also: നിര്‍ണായക മത്സരത്തില്‍ പെനാല്‍റ്റി പാഴാക്കി, പ്ലേ ഓഫ് കാണാതെ ബ്ലാസ്റ്റേഴ്‌സ് പുറത്തേക്ക്
എന്നാല്‍ വെള്ളം കുടിക്കുന്ന തിരക്കിലായിരുന്നു ഫെല്‍ക്കണ്‍. യാതൊരു പിഴവും വരുത്താതെ ഇന്‍ഗോള്‍സ്റ്റാഡ്റ്റ് താരം സ്റ്റെഫാന്‍ കുറ്റ്ഷ്‌കെയ്ക്ക് വലയിലേക്ക് തട്ടിയിടേണ്ട കാര്യം മാത്രമേ ഉണ്ടായിരുന്നുള്ളൂ. ഗോളിയുടെ പിഴവില്‍ ഒരു ഗോള്‍ വഴങ്ങിയെങ്കിലും മല്‍സരത്തില്‍ ഡൂയിസ് ബെര്‍ഗ് 2-1ന് ജയിച്ചു.
Post Your Comments