റൊണാള്‍ഡോ ഇല്ലാതെയിറങ്ങിയിട്ടും ല ലീഗെയില്‍ റയലിന് മികച്ച ജയം. റൊണാള്‍ഡോ, നവാസ് എന്നിവരെ ടീമില്‍ എടുക്കാതെ വിശ്രമം അനുവദിച്ച സിദാന്‍ ബെയ്ലിനെ ബെഞ്ചില്‍ ഇരുത്തി അസെന്‍സിയോ, വാസ്കേസ്, കോവസിസ് എന്നിവര്‍ക്ക് ആദ്യ ഇലവനില്‍ അവസരം നല്‍കി. ജയത്തോടെ 48 പോയിന്റുള്ള റയല്‍ മൂന്നാം സ്ഥാനത്താണ്. 1-3 നാണ് റയല്‍ ലെഗാനസിനെ മറികടന്നത്. റാമോസ്, വാസ്കേസ്, കാസെമിറോ എന്നിവരാണ് റയലിനായി ഗോള്‍ നേടിയത്.
ലീഗില്‍ 13 ആം സ്ഥാനക്കാരായ ലെഗാനസ് ലീടെടുത്തത് റയലിനെ അല്‍പം അമ്പരപ്പിച്ചെങ്കിലും 11 ആം മിനുട്ടില്‍ കാസെമിറോയുടെ പാസ്സില്‍ വാസ്കേസ് സിദാന്റെ സംഘത്തെ ഒപ്പമെത്തിച്ചു. പിന്നീട് 90 ആം മിനുട്ടില്‍ ലഭിച്ച പെനാല്‍റ്റി ഗോളാക്കി റാമോസ് റയലിന്റെ ജയം ഉറപ്പിക്കുകയായിരുന്നു.
അഞ്ചാം മിനുട്ടില്‍ കോര്‍ണറില്‍ നിന്ന് പന്ത് വലയിലാക്കി ലഗാനസാണ് ലീഡ് നേടിയത്. ഉനൈ ബസ്റ്റിന്‍സയാണ് ഗോള്‍ നേടിയത്. 29 ആം മിനുട്ടില്‍ വാസ്കേസിന്റെ പാസ്സില്‍ കാസെമിറോയും ഗോള്‍ നേടിയതോടെ റയല്‍ ലീഡ് സ്വന്തമാക്കി. 24 ആം തിയതി അലാവസിനെതിരെയാണ് റയലിന്റെ അടുത്ത മത്സരം.
Post Your Comments