ദുബായ് ഡ്യൂട്ടി ഫ്രീ പുതിയ വിജയിയെ പ്രഖ്യാപിച്ചു

ദുബായ്•ദുബായില്‍ കോടീശ്വരനായി വീണ്ടും ഇന്ത്യന്‍ പ്രവാസി. ചൊവ്വാഴ്ച നടന്ന ഡ്യൂട്ടി ഫ്രീ റാഫിളില്‍ ദുബായില്‍ താമസിക്കുന്ന ഇന്ത്യന്‍ പൗരന്‍ സന്തീഷ് കുമാര്‍ 1 മില്യണ്‍ ഡോളര്‍ (ഏകദേശം 6.49 കോടി ഇന്ത്യന്‍ രൂപ) സമ്മാനം നേടി.

264 ാം സീരീസിലെ 0802 എന്ന നമ്പര്‍ ടിക്കറ്റാണ് കുമാറിനെ വിജയിയാക്കിയത്. 1999 ല്‍ ഡ്യൂട്ടി ഫീ നിലവില്‍ വന്ന ശേഷം 1 മില്യണ്‍ ഡോളര്‍ സമ്മാനം നേടുന്ന 125 ാത്തെ ഇന്ത്യക്കാരനാണ് സന്തീഷ്.

You may also like:വീണ്ടും ഒരു മലയാളിക്ക് ദുബായ് ഡ്യൂട്ടി ഫ്രീ നറുക്കെടുപ്പിൽ കോടികളുടെ സമ്മാനം

ലോക മൂന്നാം നമ്പര്‍ ടെന്നീസ് താരവും ദുബായ് ഡ്യൂട്ടി ഫീ ടെന്നീസ് ചാമ്പ്യന്‍ഷിപ്‌ താരവുമായ എലിന സ്വിറ്റോലിനയാണ് നറുക്കെടുപ്പ് നടത്തിയത്.

ദുബായ് ഡ്യൂട്ടി ഫ്രീയില്‍ നടന്ന മറ്റു നറുക്കെടുപ്പുകളില്‍ രണ്ട് മലയാളികള്‍ ആഡംബര വാഹനങ്ങളും വിജയിച്ചു.

ഷാര്‍ജയില്‍ താമസിക്കുന്ന 64 കാരനായ കഴിങ്ങില്‍ മൊഹമ്മദ്‌ കുട്ടി ബി.എം.ഡബ്ല്യൂ 640 ഐ ഗ്രാന്‍ഡ്‌ ടൂറിസ്മോ കാര്‍ നേടി.

ദുബായിലുള്ള പ്രവാസി രജനി സിബി ഒരു ബി.എം.ഡബ്ല്യൂ എസ് 1000 ആര്‍ആര്‍ മോട്ടോര്‍ ബൈക്കും വിജയിച്ചു.