അഹമ്മദാബാദ്: ദലിത് നേതാവും എംഎല്‍എയുമായ ജിഗ്‌നേഷ് മേവാനിയെ തട്ടിക്കൊണ്ടുപോകാന്‍ ശ്രമം. മേവാനിയുടെ കാര്‍ ഗുജറാത്തില്‍ ഒരു സംഘം ആളുകള്‍ തടയുകയും കയ്യേറ്റം ചെയ്യുകയും ചെയ്തു. മാത്രമല്ല സംഘം കാറിന്റെ താക്കേല്‍ നശിപ്പിക്കാന്‍ ശ്രമിക്കുകയും മേവാനിയെ ബലം പ്രയോഗിച്ച് മറ്റൊരു കാറില്‍ കയറ്റി കൊണ്ടുപോകാന്‍ ശ്രമിച്ചതായും പറയുന്നു. ദേശീയ മാധ്യമങ്ങളാണ് ഇത് സംബന്ധിച്ച് റിപ്പോര്‍ട്ട് ചെയ്തത്.
ജിഗ്‌നേഷ്, ഭാനുഭായ് എന്ന ദലിത് കര്‍ഷകന്റെ ആത്മഹത്യയുമായി ബന്ധപ്പെട്ട് ഗുജറാത്തിലെ ഗാന്ധിനഗറില്‍ രണ്ട് ദിവസങ്ങളായി പ്രക്ഷോഭം നടത്തുകയാണ്. അതിനിടെ ഇന്ന് കാറില്‍ സഞ്ചരിക്കുന്നതിനിടെയാണ് അക്രമി സംഘം കയ്യേറ്റം ചെയ്തത്. എന്നാല്‍ അക്രമികള്‍ കയ്യേറ്റം ചെയ്യുകയായിരുന്നുവെന്നും പൊലീസാണ് ആക്രമണം നടത്തിയതെന്നുമാണ് മേവാനിയുടെ അനുയായികള്‍ ആരോപിക്കുന്നത്.
Post Your Comments