ഫ്ളോറിഡ: സ്‌കൂളില്‍ നടന്ന വെടിവയ്പ്പില്‍ വിദ്യാര്‍ത്ഥികളടക്കം പതിനേഴ്‌പേര്‍ക്ക് ദാരുണാന്ത്യം. ഫ്ളോറിഡയിലെ പാര്‍ക്ക്ലാന്‍ഡിലാണ് വിദ്യാര്‍ത്ഥി വെടിവെയ്പ്പ് നടത്തിയത്. ആക്രമണത്തില്‍ നിരവധിപ്പേര്‍ക്ക് പരിക്കേറ്റു. സ്‌കൂളില്‍ നിന്ന് പുറത്താക്കപ്പെട്ട നിക്കോളാസ് ക്രൂസ് (19) എന്ന വിദ്യാര്‍ത്ഥിയാണ് വെടിവച്ചത്.
മജോരിറ്റി സ്റ്റോണ്‍മാന്‍ ഡഗ്ലസ് ഹൈസ്‌കൂളിലാണ് വെടിവെപ്പുണ്ടായത്. ബുധനാഴ്ച പ്രാദേശിക സമയം വൈകുന്നേരം മൂന്നു മണിയോടെയാണ് വെടിവയ്പ്പുണ്ടായത്. തോക്കുമായി എത്തിയ നിക്കാളാസ് യാതൊരു പ്രകോപനവുമില്ലാതെ വെടിയുതിര്‍ക്കുകയായിരുന്നു.
സ്‌കൂളിന് പുറത്ത് വെച്ച് മൂന്നുപേരെ വെടിവെച്ച് വീഴ്ത്തിയ ശേഷം സ്‌കൂളിനുള്ളിലേക്ക് കടന്ന് മറ്റ് 12 പേരെക്കൂടി കൊല്ലുകയായിരുന്നു. പന്ത്രണ്ട് പേര്‍ സ്‌കൂളിനുള്ളിലും മൂന്നു പേര്‍ പുറത്തും രണ്ടു പേര്‍ ആശുപത്രിയിലുമാണ് മരിച്ചത്. സംഭവത്തില്‍ പോലീസ് കേസെടുത്തിട്ടുണ്ട്.
Post Your Comments