മില്‍ക്ക് പൗഡര്‍ ബര്‍ഫി വീട്ടിലുണ്ടാക്കി നോക്കിയാലോ ?

കുട്ടികളും മുതിര്‍ന്നവരും ഒരുപോലെ ഇഷ്ടപ്പെടുന്ന ഒരു മധുര പലഹാരമാണ് ബര്‍ഫി. എന്നാല്‍ അത് ആരും വീട്ടിലുണ്ടാക്കുന്ന കാര്യത്തെ കുറിച്ച് ചിന്തിച്ചിട്ടുകൂടി ഉണ്ടാകില്ല. എന്നാല്‍ മില്‍ക്ക് പൗഡര്‍ ബര്‍ഫി വീട്ടിലുണ്ടാക്കാന്‍ വളരെ എളുപ്പമാണ്.

ചേരുവകള്‍ :

നെയ്യ് -1/2 കപ്പ്
മില്‍ക് – 3/4 കപ്പ്
മില്‍ക്ക് പൗഡര്‍ – 2.1/2 കപ്പ്
പഞ്ചസാര – 1/2 കപ്പ്
എലക്കാ പൗഡര്‍ – 1/4 ടീസ്പൂണ്‍
പിസ്തായോ , കശുവണ്ടി പരിപ്പോ , ബാദാമോ ചോപ്പ് ചെയ്തത് – 4 സ്പൂണ്‍

ഉണ്ടാക്കുന്ന വിധം:

അടിഭാഗം കട്ടിയുള്ള ഒരു പാത്രം എടുത്ത് ചൂടാക്കുക , അതിലേക്ക് ആദ്യം നെയ്യ് ഒഴിക്കുക , ശേഷം ഡ്രൈ നട്‌സ് ഒഴികെ മുകളില്‍ പറഞ്ഞിരിക്കുന്ന ഐറ്റംസ് എല്ലാം ചെര്‍ത്ത് അടിയില്‍ പിടിക്കാതേ ഇളക്കുക , പാത്രത്തീന്ന് വിട്ട് പോരുന്ന ഒരു പരുവം ആകുമ്പോ ഒരു ട്രേയില്‍ കുറച്ച് നെയ്യ് പുരട്ടി അതിലേക്ക് പാകമായ കൂട്ട് ഒഴിച്ച് തവി കൊണ്ട് പരത്തി വെക്കുക , ശേഷം ചോപ് ചെയ്ത നട്‌സ് മുകളില്‍ വിതറുക , ഒന്ന് തണുത്ത് കട്ടയാകുമ്പോള്‍ ആവശ്യമുള്ള ആകൃതിയില്‍ കട്ട് ചെയ്ത് സെര്‍വ്വ് ചെയ്യാം