യുപിയിലെ നിയമ വിദ്യാർഥിയുടെ കൊലപാതകം: മുഖ്യപ്രതി പിടിയിൽ

അലഹബാദ്: ഉത്തർപ്രദേശിലെ അലഹബാദിൽ നിയമ വിദ്യാർഥി ദിലീപ് സരോജ് കൊല്ലപ്പെട്ട കേസിലെ മുഖ്യപ്രതി പിടിയിൽ. ട്രെയിൻ ടിക്കറ്റ് എക്സാമിനർ വിജയ് ശങ്കറിനെയാണ് പോലീസ് പിടികൂടിയതെന്നും കേസുമായി ബന്ധപ്പെട്ട് മൂന്ന് പേരെ ചൊവ്വാഴ്ച പിടികൂടിയതായും എഡിജിപി എസ്.എൻ. സബട്ട് അറിയിച്ചു.

ഈ മാസം 11നാണ് ദിലീപ് സരോജ് കൊല്ലപ്പെട്ടത്. രാത്രിയിൽ ഒരു സംഘം ആളുകൾ ചേർന്ന് ദിലീപ് സരോജിനെ മർദിച്ച് കൊലപ്പെടുത്തുകയായിരുന്നു. ഹോക്കി സ്റ്റിക്ക്, ഇരുന്പ് പൈപ്പ്, ഇഷ്ടിക എന്നിവയുപയോഗിച്ചാണ് ദിലീപ് സരോജിനെ അക്രമികൾ മർദിച്ചത്. ദിലീപ് തന്‍റെ സുഹൃത്തുമൊത്ത് ഭക്ഷണം കഴിക്കാൻ എത്തിയ സമയത്ത് അവിടെയെത്തിയ മൂന്ന് പേരുമായി തർക്കമുണ്ടാവുകയും ഇത് ഏറ്റുമുട്ടലിലേക്ക് വഴിമാറുകയുമായിരുന്നു. ആക്രമിക്കപ്പെട്ട് ഏറെനേരം കഴിഞ്ഞാണ് ദിലീപിനെ ആശുപത്രിയിൽ എത്തിച്ചത്. ഭക്ഷണം കഴിക്കാനെത്തിയ ഒരാളാണ് ദിലീപിനെ മോട്ടോർ സൈക്കിളിൽ ആശുപത്രിയിൽ എത്തിക്കുകയായിരുന്നു. ചികിത്സയിലിരിക്കെ ദിലീപ് സരോജ് മരണത്തിന് കീഴടങ്ങി.

read more:ശിവപാദങ്ങളിൽ ചരണം പ്രാപിക്കാം