ടെക് ലോകത്ത് ഓരോ ചുവടും ശ്രദ്ധയോടെ വയ്ക്കുകയാണ് ജിയോ. നെറ്റ്വര്‍ക്ക് സര്‍വീസിന് പിന്നാലെ ഏറ്റവും കുറഞ്ഞ വിലയില്‍ ഫോര്‍ജി ഫോണും ഇറക്കി കമ്പനി തരംഗം സൃഷ്ടിച്ചിരുന്നു. ഇപ്പോള്‍ കാത്തിരിപ്പിന് അവസാനമിട്ട് ഫേസ്ബുക്കും ജിയോ ഫോണില്‍ എത്തിയിരിക്കുകയാണ്. ബുധനാഴ്ച പുറത്തിറങ്ങിയ പുതിയ അപ്‌ഡേഷനും കൂടിയായപ്പോള്‍ ഫേസ്ബുക്ക് ജിയോ ഫോണിലും ലഭ്യമായി തുടങ്ങി.
പോയ വര്‍ഷം ആഗസ്റ്റിലാണ് ജിയോ ഫോര്‍ ജി ഫോണ്‍ പുറത്തിറക്കിയത്. ഫോണ്‍ ഇറങ്ങിയപ്പോള്‍ മുതല്‍ സോഷ്യല്‍ മീഡിയ വമ്പന്മാരായ ഫേസ്ബുക്കിന്റെ അഭാവം ചര്‍ച്ചയായിരുന്നു. ഈ പ്രശ്‌നമാണ് ജിയോ ഇപ്പോള്‍ പരിഹരിച്ചിരിക്കുന്നത്.
ഫേസ്ബുക്ക് ഫോണില്‍ ലഭ്യമാകുന്ന വിവരം ജിയോ ഡയറക്ടര്‍ ആകാശ് അംബാനിയാണ് പറഞ്ഞത്. ജിയോ മൂവ്‌മെന്റിന്റെ വലിയൊരു ഭാഗമാണ് ജിയോ ഫോണെന്നും അദ്ദേഹം പറഞ്ഞു.
Post Your Comments