ബാ​ല​നെ കൊ​ല​പ്പെ​ടു​ത്തി ​ഒരു മാ​സ​ത്തി​ല​ധി​കം പെ​ട്ടി​യി​ല​ട​ച്ച് സൂ​ക്ഷി​ച്ച അയൽവാസി പിടിയിൽ

ന്യൂ​ഡ​ൽ​ഹി: ബാ​ല​നെ കൊ​ല​പ്പെ​ടു​ത്തി ​ഒരു മാ​സ​ത്തി​ല​ധി​കം പെ​ട്ടി​യി​ല​ട​ച്ച് സൂ​ക്ഷി​ച്ച അയൽവാസി പിടിയിൽ. ഡ​ൽ​ഹി​യി​ലെ സ്വ​രൂ​പ് ന​ഗ​റിലാണ് ഏവരെയും ഞെട്ടിച്ച സംഭവം നടന്നത്. അ​വ്ദേ​ശ് സ​ക്യ എ​ന്ന യു​വാ​വി​നെയാണ് പോലീസ് പിടികൂടിയത്. ഏ​ഴ് വ​യ​സു​കാ​ര​നാ​യ ആ​ശി​ഷി​നെ ക​ഴി​ഞ്ഞ മാ​സം ഏ​ഴി​നു കാണാതായതിനെ തുടർന്ന് പി​താ​വ് ക​ര​ണ്‍​സിം​ഗ് പോ​ലീ​സി​ൽ പ​രാ​തി ന​ൽ​കി​. ശേഷം അന്വേഷണം നടത്തിയെങ്കിലും കുട്ടിയെക്കുറിച്ച് യാതൊരുവിധ വിവരങ്ങളും ലഭിച്ചില്ല. ഇതിനിടെയാണ് അ​വ്ദേ​ശി​ന്‍റെ വീ​ട്ടി​ൽ​നി​ന്ന് ദു​ർ​ഗ​ന്ധം പ​ര​ന്ന​ത് സ​മീ​പ​വാ​സി​ക​ൾ ശ്ര​ദ്ധ​യി​ൽ​പ്പെ​ടു​ത്തി​. എന്നാൽ എ​ലി ച​ത്ത​താ​ണെന്നു ഇയാൾ മറുപടി നൽകി. തു​ട​ർ​ന്ന് പോ​ലീ​സ് ഇവിടെയെത്തി പരിശോധിച്ചപ്പോഴാണ് പെ​ട്ടി​യി​ൽ അ​ട​ച്ച നി​ല​യി​ൽ മൃതദേഹം കണ്ടെത്തിയത്.

ത​ന്നെ കാ​ണാ​ൻ വീ​ട്ടി​ൽ ഇ​ട​യ്ക്കി​ടെ ആ​ശി​ഷ് വീ​ട്ടി​ൽ വ​രാ​റു​ണ്ടാ​യി​രു​ന്നെ​ന്നും കു​ട്ടി​യു​ടെ പി​താ​വ് ഈ ​സ​ന്ദ​ർ​ശ​നം വി​ല​ക്കി​യ​താ​ണ് കൊ​ല ചെ​യ്യാ​ൻ ത​ന്നെ പ്രേ​രി​പ്പി​ച്ച​തെ​ന്നും ഇയാൾ പൊലീസിന് മൊഴി നൽകി. ഉ​ത്ത​ർ​പ്ര​ദേ​ശ് സ്വ​ദേ​ശി​യാ​യ അ​വ്ദേ​ശ് സി​വി​ൽ സ​ർ​വീ​സ് പ​രീ​ക്ഷ​യ്ക്ക് ത​യാ​റെ​ടു​ക്കവെയാണ് ഇത്തരമൊരു ക്രൂരകൃത്യം നടത്തി യത്.

Read also ;ഡേ കെയറില്‍ കുഞ്ഞുങ്ങളുടെ മുന്നിലിട്ട് ആയയെ വെട്ടിക്കൊലപ്പെടുത്തിയ സംഭവം : ഒരു വര്‍ഷമായിട്ടും പ്രതി കാണാമറയത്ത്