നൂറിലേറെ കുട്ടികളെ ലൈംഗിക പീഡനത്തിനിരയാക്കിയ സ്ത്രീകളുള്‍പ്പെട്ട ഏഴംഗ സംഘം ഓസ്ട്രേലിയയില്‍ പിടിയില്‍. പെണ്‍കുട്ടികളെയും ആണ്‍കുട്ടികളെയും ഉള്‍പ്പെടെ പീഡനത്തിനിരയാക്കിയ സംഘമാണു പൊലീസിന്റെ വലയില്‍ കുടുങ്ങിയത്. തട്ടിക്കൊണ്ടു പോകല്‍, കുട്ടികളെ പീഡിപ്പിച്ചു വിഡിയോ പകര്‍ത്തല്‍ തുടങ്ങിയവ ഉള്‍പ്പെടുത്തി ആകെ 127 കേസുകളാണു രജിസ്റ്റര്‍ ചെയ്തിരിക്കുന്നത്.
എട്ടു വയസ്സില്‍ താഴെയുള്ള മൂന്ന് ആണ്‍കുട്ടികളെ ലൈംഗികാതിക്രമത്തിനു വിധേയരാക്കി എന്നതുള്‍പ്പെടെയുള്ള കുറ്റങ്ങളാണ് ഇവര്‍ക്കെതിരെയുള്ളത്. ഇതില്‍ ഒരു കുട്ടി 2015ല്‍ പീഡനത്തിനിരയാകുമ്പോള്‍ മൂന്നു വയസ്സായിരുന്നു. പിടിയിലായ വനിതകളില്‍ നാലു പേരും 17നും 29നും ഇടയില്‍ പ്രായമുള്ളവരാണ്.2014നും 2016നും ഇടയിലാണ് ഓസ്ട്രേലിയയെ ഞെട്ടിച്ച സംഭവം നടന്നത്.
പരിചയക്കാരായ ആണ്‍കുട്ടികളെയാണ് ഇവര്‍ പ്രധാനമായും ഇരകളാക്കിയത്. നഗരത്തില്‍ നിന്ന് 80 കിലോമീറ്റര്‍ മാറി ബ്ലൂ മൗണ്ടന്‍സ് എന്നറിയപ്പെടുന്ന പര്‍വത മേഖല കേന്ദ്രീകരിച്ചായിരുന്നു പ്രവര്‍ത്തനം.
Post Your Comments