കുട്ടികളെ തട്ടിക്കൊണ്ടുപോകുന്നെന്ന ആരോപണം; ബിഹാർ സ്വദേശിക്ക്​ മർദ്ദനം

കൂത്തുപറമ്പ്​: ബീഹാർ സ്വദേശിയായ യുവാവിനെ നാട്ടുകാർ കൂട്ടമായി മർദിച്ചു. കണ്ണൂർ കൂത്തുപറമ്പിലെ മാനന്തേരിയിലാണ് സംഭവം നടന്നത്. ചോട്ടു എന്ന പേരുള്ള​ ബിഹാർ സ്വദേശിയെ നാട്ടുകാർ ക്രൂരമായി മർദിച്ചത് കുട്ടികളെ തട്ടിക്കൊണ്ടുപോകാൻ ശ്രമിച്ചെന്നാരോപിച്ചാണ്​.

read also: സംസ്ഥാനത്ത് അ​ജ്ഞാ​ത സം​ഘം കു​ട്ടി​ക​ളെ ത​ട്ടി​ക്കൊ​ണ്ടു​പോ​കാ​ൻ ശ്ര​മി​ച്ചു

സാമൂഹിക മാധ്യമങ്ങളിൽ യുവാവിനെ അക്രമിക്കുന്ന ദൃശ്യങ്ങൾ പകർത്തി കുട്ടികളെ കടത്തുന്നയാളെ പിടികൂടി എന്ന തരത്തിൽ പോസ്​റ്റ്​ ചെയ്​തിരുന്നു. നാല്​ ലക്ഷം രൂപ വരെ ഒരു കുട്ടിക്ക്​ വില ലഭിക്കും എന്ന തരത്തിലുള്ള വിവരങ്ങളാണ്​ ഇയാളെ നാട്ടുകാർ ചോദ്യം ചെയ്​തതിൽ നിന്നും ലഭിച്ചതെന്നും സാമൂഹിക മാധ്യമങ്ങളിൽ പറയുന്നുണ്ട്​. മർദ്ദിച്ചതിന്​ ശേഷം യുവാവിനെ കണ്ണവം പൊലീസ്​ സ്​റ്റേഷനിൽ എത്തിക്കുകയായിരുന്നു.

​ എന്നാൽ ​ യുവാവിനെ ചോദ്യം ചെയ്​ത പൊലീസ്​ കുട്ടികളെ തട്ടിക്കൊണ്ടുപോകാൻ ശ്രമിച്ചതിന്​ തെളിവൊന്നും ലഭിച്ചില്ലെന്ന് ​ അറിയിച്ചു. പരസ്​പരം ബന്ധമില്ലാതെ​ സംസാരിച്ച ഇയാൾക്ക്​ മാനസിക രോഗമുള്ളതായി​ സംശയിക്കുന്നുണ്ടെന്നും പൊലീസ്​ പറഞ്ഞു.