തിരുവനന്തപുരം: പേട്ടയില്‍ രണ്ടുവയസ്സുകാരിയെ തട്ടിക്കൊണ്ടുപോയ സംഭവത്തില്‍ കുട്ടിയുടെ ഡി.എൻ.എ. ഫലം പോലീസിന് ലഭിച്ചു. കുട്ടി ബിഹാർ സ്വദേശികളായ നാടോടി ദമ്പതികളുടേത് തന്നെയെന്നു സ്ഥിരീകരിച്ചു. ഇതിനെ തുടർന്ന് കുട്ടിയെ മാതാപിതാക്കള്‍ക്ക് വിട്ടുനല്‍കണമെന്ന് കാണിച്ചുകൊണ്ടുള്ള റിപ്പോർട്ട് പോലീസ് ശിശു ക്ഷേമസമിതിയ്ക്ക് മുന്നില്‍ സമർപ്പിച്ചു.
read also: രാഷ്‌ട്രീയ തിമിരം ബാധിച്ച ചിലർ സിദ്ധാർഥിന്റെ മരണത്തെ കുറിച്ചുപോലും മോശമായി എഴുതി: സീമ
ഫെബ്രുവരി 18-ന് രാത്രി 12 മണിക്കുശേഷമാണ് കുട്ടിയെ തട്ടിക്കൊണ്ട് പോയത്. തിരച്ചിലിനൊടുവില്‍ 19-ന് രാത്രി 7.45-ഓടെ പെണ്‍കുട്ടിയെ പോലീസ് കണ്ടെത്തി.
ചാക്കയിലെ ബ്രഹ്മോസില്‍നിന്ന് ലഭിച്ച ഒരു സി.സി.ടി.വി ദൃശ്യം കേന്ദ്രീകരിച്ചു നടന്ന അന്വേഷണത്തിൽ വർക്കല അയിരൂർ സ്വദേശിയായ ഹസ്സൻകുട്ടി എന്ന കബീറിനെ (49) കൊല്ലം ചിന്നക്കടയില്‍ നിന്ന് പോലീസ് കഴിഞ്ഞ ദിവസം അറസ്റ്റുചെയ്തു.
Post Your Comments