കോട്ടയം: ചങ്ങനാശേരിയില്‍ മൂന്നര വയസുകാരിയെ ബലാത്സംഗം ചെയ്ത കേസില്‍ അച്ഛനും ബന്ധുവും അറസ്റ്റില്‍ ചങ്ങനാശേരി പൊലീസാണ് പ്രതികളെ അറസ്റ്റ് ചെയ്തത്. കുഞ്ഞിന്റെ അമ്മ വീട്ടില്‍ ഇല്ലാതിരുന്ന സമയത്താണ് ബലാത്സംഗം നടന്നത്. അംഗന്‍വാടി അധികൃതര്‍ അറിയിച്ചതിനെ തുടര്‍ന്ന് ഇരുവരെയും പൊലീസ് അറസ്റ്റ് ചെയ്തു. ഇരുവരെയും കോടതി റിമാന്‍ഡ് ചെയ്തു.
അംഗന്‍വാടിയില്‍ അസ്വാഭികമായി പെരുമാറിയ കുട്ടിയോട് അദ്ധ്യാപിക വിവരങ്ങള്‍ തിരക്കിയപ്പോഴാണ് സംഭവം പുറത്തായത്. ആരോഗ്യ വിദഗ്ധരുടെ പരിശോധനയില്‍ കുട്ടി നിരവധി തവണ ഉപദ്രവിക്കപ്പെട്ടായി തെളിഞ്ഞു.പെണ്‍കുട്ടിയുടെ അച്ഛനും അമ്മയും പിരിഞ്ഞു താമസിക്കുകയായിരുന്നു. അമ്മയ്ക്കൊപ്പം താമസിച്ചിരുന്ന പെണ്‍കുട്ടിയെ ശനിയാഴ്ച ദിവസങ്ങളില്‍ അച്ഛന്‍ വീട്ടിലേക്കു കൊണ്ടുവരുകയായിരുന്നു പതിവ്.
പിന്നീട് തിങ്കളാഴ്ച അമ്മയ്ക്കൊപ്പം തിരിച്ചെത്തിക്കും. ഇത്തരത്തില്‍ കഴിഞ്ഞ തവണ പെണ്‍കുട്ടിയെ വീട്ടിലെത്തിച്ചപ്പോള്‍ അച്ഛനും ബന്ധുവും ചേര്‍ന്ന് മൂന്നരവയസുകാരിയെ പീഡിപ്പിക്കുകയായിരുന്നു.ഇരുവരും ഇക്കാര്യം സമ്മതിച്ചതായും പൊലീസ് അറിയിച്ചു.
Post Your Comments