ലോട്ടറി തട്ടിപ്പ് ; മൂന്നുപേർ അറസ്റ്റിൽ

സമ്മാനം ലഭിക്കുന്ന ലോട്ടറി ടിക്കറ്റ് ഉണ്ടാക്കി ഏജൻറുമാരിൽ നിന്നും പണം തട്ടിയെടുക്കുകയാണ് ഇവരുടെ പതിവ്.അഞ്ചു ലക്ഷം രൂപ സമ്മാനമായി ലഭിച്ച ടിക്കറ്റിന്റെ അതേ നമ്പറിൽ വ്യാജ ടിക്കറ്റ് ഉണ്ടാക്കി പാലക്കാട്ടെ ലോട്ടറി ഏജന്റിന് കൈമാറിയപ്പോഴാണ് സംഘം പിടിയിലാകുന്നത്.

മറ്റു ലോട്ടറി ടിക്കറ്റിന്റെ നമ്പറുകൾ വെട്ടിയൊട്ടിച്ച് കളർ ഫോട്ടോസ്റ്റാറ്റെടുത്താണ് വ്യാജലോട്ടറി തയ്യാറാക്കുന്നതെന്ന് പൊലീസ് പറഞ്ഞു.കഴിഞ്ഞ ദിവസം നഗരത്തിലെ മറ്റൊരു കടയിൽ നിന്നും ഇവർ തന്നെ ഇത്തരത്തിൽ മൂവായിരം രൂപയുടെ സമ്മാനം തട്ടിയെടുത്തതായും പൊലീസ് പറഞ്ഞു.പ്രതികൾക്കെതിരെ വ്യാജരേഖ ചമച്ച് തട്ടിപ്പ് നടത്തിയതിന് ജാമ്യമില്ലാ വകുപ്പ് പ്രകാരം കേസെടുത്തു.