ന്യൂയോര്‍ക്ക്: മാനദണ്ഡങ്ങള്‍ പാലിക്കാത്തതിനാൽ മയിലിന് പറക്കാനുള്ള അനുമതി നിഷേധിച്ച് ന്യൂയോര്‍ക്കിലെ യുണൈറ്റഡ് എയര്‍ലൈന്‍ അധികൃതര്‍. ന്യൂയോര്‍ക്കിലെ ഫോട്ടോഗ്രാഫര്‍ വെന്റിക്കോയാണ് തന്റെ മയിലുമായി വിമാനത്തില്‍ പറക്കാന്‍ എത്തിയത്. ടിക്കറ്റ് എടുത്തിരുന്നെങ്കിലും മാനദണ്ഡങ്ങൾ പാലിച്ചില്ല എന്ന കാരണത്താൽ മയിലിന് വിമാന അധികൃതര്‍ യാത്ര നിഷേധിക്കുകയായിരുന്നു.ജനുവരി 19ന് ആണ് സംഭവം നടന്നത്.
കഴിഞ്ഞ മാര്‍ച്ച് ഒന്നുമുതലാണ് ന്യൂയോര്‍ക്കില്‍ ചില പ്രത്യേക സാഹചര്യങ്ങളില്‍ ഡോക്ടറുടെ നിര്‍ദേശ പ്രകാരം ഒരാള്‍ക്ക് വൈകാരിക പിന്തുണ നല്‍കുന്ന ചില വളര്‍ത്ത് മൃഗവുമായി വിമാനത്തില്‍ യാത്ര ചെയ്യാന്‍ അനുമതി നൽകിയത്. എന്നാൽ വളർത്തുമൃഗത്തിന്റെ ഭാരം, വലുപ്പം എന്നിവയെല്ലാം സംബന്ധിച്ച് പ്രത്യേക മാനദണ്ഡങ്ങള്‍ പാലിക്കേണ്ടതുണ്ട്. എന്നാൽ ഇതൊന്നും പാലിച്ചിരുന്നില്ലെന്നും ഡോക്ടറുടെ പേപ്പറുകൾ നൽകിയില്ലെന്നുമാണ് എയര്‍ലൈന്‍ അധികൃതര്‍ വ്യക്തമാക്കുന്നത്.
Post Your Comments