സഹോദരിയെ ശല്യം ചെയ്തതത് ചോദ്യം ചെയ്ത സഹോദരന് നഷ്ടമായത് സ്വന്തം ജീവന്‍. പതിവായി സഹോദരിയെ കമന്റടിച്ചിരുന്ന ഓട്ടോ ഡ്രൈവറെ ചോദ്യം ചെയ്തതിന് കമ്പിവടിക്ക് അടിയേറ്റ് ഗുരുതരമായി പരിക്കേറ്റ യുവാവ് ആശുപത്രി കിടക്കയില്‍ മരണത്തിന് കീഴടങ്ങി. മരിച്ചത് ഇരിങ്ങാലക്കുട കൊരുമ്പിശ്ശേരി സ്വദേശി പുതുക്കാട്ടില്‍ വീട്ടില്‍ വേണുഗോപാലിന്റെ മകന്‍ സുജിത്ത് (26) ആണ്. ഇരിങ്ങാലക്കുട ബസ് സ്റ്റാന്റില്‍ ഓട്ടോ ഓടിക്കുന്ന പടിയൂര്‍ സ്വദേശി പത്താഴക്കാട്ടില്‍ മിഥുന്‍ (32) എന്നയാളെ പോലീസ് തിരയുകയാണ്.
read also: സുഹൃത്തിന്റെ സഹോദരിയ്ക്കെതിരെ നിരന്തര പീഡനം : യുവാവിന് പിന്നീട് സംഭവിച്ചത്
മിഥുന്‍ കമ്പിവടിക്ക് സുജിത്തിന്റെ തലയില്‍ അടിച്ചത് ഞായറാഴ്ച വൈകിട്ട് ഓട്ടോറിക്ഷാ പേട്ടയില്‍ വെച്ചായിരുന്നു. അടിയേറ്റ് അബോധാവസ്ഥയിലായ സുജിത്തിനെ ആദ്യം താലൂക്കാശുപത്രിയില്‍ പ്രവേശിപ്പിച്ചു. പക്ഷെ നില ഗുരുതരമായതിനെ തുടര്‍ന്ന് വെന്റിലേറ്ററിലേക്ക് മാറ്റിയിരുന്നു. സുജിത്ത് ഇളയച്ഛന്റെ മകളെ പതിവായി ശല്യപ്പെടുത്തിയിരുന്ന മിഥുനെ ചോദ്യം ചെയ്തിരുന്നു. ഈ വൈരാഗ്യമാണ് ആക്രമിക്കാന്‍ കാരണമായതെന്നാണ് ബന്ധുക്കള്‍ പറയുന്നത്.
Post Your Comments