ആലപ്പുഴ: മദ്യലഹരിയില്‍ നടുറോഡിൽ അഴിഞ്ഞാടി പോലീസ് അസോസിയേഷന്‍ നേതാക്കള്‍. ബൈക്കിൽ ട്രിപ്പിൾസ് അടിച്ച് അതിവേഗം പായുകയായിരുന്നു ഇവർ. വിവരമറിഞ്ഞ എസ്‌ഐ മൂവരെയും പിടികൂടാൻ ശ്രമിച്ചെങ്കിലും എസ്‌ഐയെ ഭീഷണിപ്പെടുത്തി വണ്ടിയെടുത്ത് കടന്നുകളയുകയായിരുന്നു ഇവർ. ആലപ്പുഴ ബീച്ചിന് സമീപം കഴിഞ്ഞ ദിവസമാണ് സംഭവമുണ്ടായത്.
ആലപ്പുഴ ബീച്ചിന് സമീപം വാഹന പരിശോധന നടത്തുന്നതിനിടെയാണ് എസ്‌ഐ ശിവകുമാറിന്റെ നേതൃത്വത്തിലുള്ള സംഘം മദ്യപിച്ച് ട്രിപ്പിൾസ് അടിച്ച ഉദ്യോഗസ്ഥരുടെ വണ്ടി തടഞ്ഞത്. ഒരു സൽക്കാരത്തിൽ പങ്കെടുത്ത ശേഷം തിരിച്ച് പോകുകയായിരുന്നു ഇവർ. പിഴയടക്കാൻ പറഞ്ഞ എസ്‌ഐയെ ഇവർ ഭീഷണിപ്പെടുത്തുകയും ചെയ്തു.
ഇതേ കാരണത്തിന് പോലീസ് തടഞ്ഞുനിർത്തിയ മറ്റൊരു യാത്രക്കാർ ഇതെല്ലം ഫോണിൽ പകർത്തുകയും വീഡിയോ സഹിതം പോലീസ് ചീഫിന് പരാതി നൽകുകയും ചെയ്തു.യുവാക്കളുടെ പരാതിയുടെ അടിസ്ഥാനത്തിൽ സിവില്‍ പോലീസ് ഓഫീസര്‍മാരായ മൂന്ന് നേതാക്കള്‍ക്കെതിരേ നടപടിയെടുക്കാൻ പോലീസ് ചീഫ് നിർദ്ദേശം നൽകി
Post Your Comments