തൃശ്ശൂര്‍: പൂരപ്പെരുമയുടെ നാടായ തൃശ്ശൂരില്‍ നിന്നുള്ള മറ്റൊരു വീഡിയോ ഇപ്പോള്‍ സോഷ്യല്‍മീഡിയയില്‍ വൈറലായിക്കൊണ്ടിരിക്കുകയാണ്. തൃശ്ശൂരിലെ കല്ലേറ്റുംകര ഇന്‍ഫന്റ് ജീസസ് ചര്‍ച്ചിലെ ലൈറ്റ് ആന്‍ഡ് സൗണ്ട് ഷോയാണ് ശ്രദ്ധേയമാകുന്നത്. കുത്തനെയുള്ള അഞ്ച് മുഖപ്പുകളാണ് പള്ളിക്കുള്ളത്. ഇവിടെയാണ് ഡിജെ സംഗീതത്തിന്റെ അകമ്പടിയോടെ എല്‍ഇഡി ലൈറ്റുകള്‍ കൊണ്ട് പ്രകാശത്തിന്റെ നൃത്തവിന്യാസം ഒരുക്കിയത്. 40,000 വാട്ടിന്റെ ലൈറ്റ് ആന്‍ഡ് ഷോയാണ് നടത്തിയത്. അരമണിക്കൂറോളം നീണ്ടുനിന്ന പരിപാടി കാണാന്‍ ആയിരക്കണക്കിന് പേരാണെത്തിയത്. എന്തായാലും പൂരങ്ങളുടെ നാട്ടിലെ വ്യത്യസ്തമായ ആഘോഷകാഴ്ച സമൂഹമാധ്യമങ്ങളില്‍ വൈറലായി. എന്നാല്‍ ഇതിനെ വിമര്‍ശിച്ചും അനുകൂലിച്ചും ആളുകള്‍ ഇപ്പോള്‍ രംഗത്തെത്തുന്നുണ്ട്.
Post Your Comments