ഒടുവിൽ ഷാജിക്ക് രക്ഷകയായത് ഇവര്‍

കൊ​ച്ചി•കഴിഞ്ഞ ദിവസം എ​റ​ണാ​കു​ളം പ​ത്മ ജം​ഗ്ഷ​നി​ലെ കെ​ട്ടി​ട​ത്തി​ൽ​നി​ന്നു വീ​ണ് ആ​രും തി​രി​ഞ്ഞു​നോ​ക്കാ​തെ കി​ട​ന്നി​രു​ന്ന തൃ​ശൂ​ർ സ്വ​ദേ​ശി ഷാ​ജി​ക്ക് ഒടുവിൽ രക്ഷയായത് രഞ്ജിനിയാണ്. ആരും സഹായിക്കാതെ റോഡിൽ കിടന്ന ഷാജിയെ രഞ്ജിനി ആശുപത്രിയിൽ എത്തിക്കുകയായിരുന്നു. കെട്ടിടത്തിൽ നിന്നും വീണ ഷാജിയെ കണ്ടുനിന്നവർ പോലും ആശുപത്രിയിൽ എത്തിക്കാൻ മുൻകൈയെടുത്തില്ല.

You may also like this: വീപ്പയ്ക്കുള്ളില്‍ നിന്ന് മൃതദേഹാവശിഷ്ടം കണ്ടെത്തിയതിന്റെ പിറ്റേന്ന് ശകുന്തളയുടെ അടുത്ത ബന്ധുവിന്റെ സുഹൃത്ത് മരിച്ചത് പൊലീസ് അന്വേഷണത്തിന് : ഡിഎന്‍എ പരിശോധനാ ഫലം കാത്ത് പൊലീസ്

ഹൈ​ക്കോ​ട​തി അ​ഭി​ഭാ​ഷ​ക​യാ​യ ര​ഞ്ജി​നി ഒ​രു ച​ട​ങ്ങി​ൽ പ​ങ്കെ​ടു​ക്കാ​നാ​യി വൈ​കു​ന്നേ​രം 6.45 ഓ​ടെ മെ​ട്രോ സ്റ്റേ​ഷ​നി​ലേ​ക്കു പോ​കു​ന്ന​തി​നി​ടെ​യാ​ണ് കെ​ട്ടി​ട​ത്തി​ൽ നി​ന്നും വീ​ണു കി​ട​ക്കു​ന്ന ഷാ​ജി​യെ കാ​ണു​ന്ന​ത്. ഷാജിയെ ആശുപത്രിയിൽ എത്തിക്കാൻ രഞ്ജിനിക്ക് അധികം ആലോചിക്കേണ്ടിവന്നില്ല. കണ്ണിൽ കണ്ട വാഹനങ്ങൾക്ക്‌ കൈകാണിച്ചു, ആരും നിർത്തിയില്ല. പരിചയമുള്ള ആശുപത്രിയിൽ വിളിച്ചെങ്കിലും ആംബുലൻസ് സേവനം ലഭ്യമായിരുന്നില്ല. ഒടുവിൽ ലഭ്യമായ ഒരു കാറിൽ ഷാജിയേയും കയറ്റി ആശുപത്രിയിലേക്ക് പാഞ്ഞു. വീഴ്ചയിൽ ഷാജിയുടെ തലയ്ക്കും കാലിനും ഗുരുതരമായ് പരുക്കേറ്റിരുന്നു. ഷാജിയെ നടുറോഡിൽ വീണുകിടക്കുന്നത് കണ്ടപ്പോൾ അദ്ദേഹത്തിന്റെ കുടുംബത്തെ മാത്രമാണ് താൻ ഓർത്തെന്ന് രഞ്ജിനി പറഞ്ഞു. അപകടത്തിൽപ്പെട്ട ഷാജിയെ ആശുപത്രിയിൽ എത്തിക്കാതെ വെറും മരപ്പാവകളായ് നോക്കിനിന്ന പൊതുജനത്തെ വിമർശിച്ച് നിരവധിപേർ രംഗത്തെത്തിയിരുന്നു. ഷാജിയുടെ നില ഗുരുതരമായ് തുടരുകയാണ്.